主題:豐澤、蘇寧清貨平價鬥!CASIO 全新自拍相機,行貨跌到 $2000 樓下

ePrice HK
  • 發表時間:2017-02-18 14:02 收錄檢舉
    話說豐澤尋晚就出左 Facebook,話有一個「網上商店清貨優惠」喎,見到「清貨優惠」四隻字,當然好自然吸引到版主入去睇。但版主入到去,發現所謂「清貨優惠」,其實都唔係真係好抵玩,真係相對抵玩少少嘅,可能係 Apple Watch 同埋少量耳機,其他例如相機、手機果啲?真係不值一提。可能就係見到,對手所謂優惠得啖笑,蘇寧門市亦推出了 CASIO 自拍相機清貨優惠,講緊嘅係現時最新果代,跌落 $2000 樓下,網友又有無興趣呢?

    豐澤、蘇寧清貨平價鬥!CASIO 全新自拍相機,行貨跌到 $2000 樓下

    豐澤清貨優惠,邊樣抵玩?
    豐澤嘅清貨優惠,其實並唔係真係好抵,比較相對便宜的,應該是第一代 Apple Watch 藍寶石水晶 38mm 版本,不過都係講緊銀色同紅色錶帶果隻,$2093 呢個價錢,確係唔貴,相比深水埗細舖的 $2180 清貨價還要略平。不過,如果係灰色果款,就要賣 $2813,呢個價錢唔算係抵玩。而除左 Apple Watch 之外,有部份耳機如 JAYs FIVE 入耳式耳機,都幾抵玩,平時好少會有減價,出面舖頭都賣開四百幾蚊,而家 $250 就可以入手,平平地玩下,網友又會唔會考慮呢?

    豐澤、蘇寧清貨平價鬥!CASIO 全新自拍相機,行貨跌到 $2000 樓下
    ▲ 第一代 Apple Watch 38mm 藍寶石玻璃連銀、紅錶帶,算係幾抵玩,比出面細舖價便宜。

    豐澤、蘇寧清貨平價鬥!CASIO 全新自拍相機,行貨跌到 $2000 樓下
    ▲ JAYs FIVE 入耳式耳機,不嬲都好少會減會,要成四百幾蚊,而家 $250 就可以入手,你又會唔會考慮呢?

    按這裡了解更多優惠產品

    豐澤清貨唔一定抵玩!教你入手平價 CASIO 自拍相機
    可以留意到,豐澤清貨優惠貨品當中,有三部相機都清緊貨,當中有兩部係 CASIO 自拍相機,一部係 EX-ZR850,有內置 Wi-Fi + 五軸防震,豐澤仲要賣成 $2010,但其實出面細舖早就跌到千元有找。至於 EX-ZR3500,賣 $2086 又叫唔叫抵呢?版主就覺得唔抵,一黎已經係舊代,而家都出到 ZR3600,二黎出面舖頭仔都係賣 $1700 左右。反而,版主發現部份尖沙咀、旺角的蘇寧門市,清緊現時最新一代嘅 CASIO EX-ZR3600 貨,只需 $1900 就可以入手,不過淨番白色同粉紅色,仲平過豐澤賣舊貨之餘,相比出面細舖,呢個價一樣叫做抵玩。網友唔知又會唔會考慮呢?

    豐澤、蘇寧清貨平價鬥!CASIO 全新自拍相機,行貨跌到 $2000 樓下
    ▲ 你睇下,豐澤相機係咪真抵玩?我就覺得唔係囉。

    豐澤、蘇寧清貨平價鬥!CASIO 全新自拍相機,行貨跌到 $2000 樓下
    ▲ 反而蘇寧部份門市做緊 CASIO EX-ZR3600 清貨價,$1900 我又覺得當係後備機玩下都唔差。

    CASIO EX-ZR3600 在文章發表時,大舖最平賣價 $1900,按這裡可了解詳細規格

    立即加入Facebook 專頁,新聞/消息/優惠,最快知。

    01樓 ▲TOP 回列表頁