主題:45 點自動對焦 + 支持 AI SERVO AF! Canon 中階單反 80D 版主上手評測!

ePrice HK
  • 發表時間:2016-03-17 20:10 收錄檢舉
    上星期 Canon 推出了一部入門級的單反相機 EOS 1300D,有網友指出這部 1300D 在規格上同前代相比,升級不大,不知大家認唔認同呢? 對於新手來說,也許 1300D 會是個不錯的選擇,但如果你玩慣了入門級的單反相機,想升級至中階相機,Canon 今日在香港發表的一部中階單反相機 80D,又會否滿足到你的要求呢? 版主今日就上手試玩,讓大家從多角度睇真啲這部 80D。

    45 點自動對焦 + 支持 AI SERVO AF! Canon 中階單反 80D 版主上手評測!

    外型同 70D 差別不大,首部採用 100% 覆蓋率觀景器的 Canon 中階單反
    首先,版主要澄清一點,我並不是「龍友」,亦無咁多錢去入手一部咁貴的單反相機,所以一直都只係用緊 Canon 入門級的 EOS 700D。用左兩年左右,開始覺得部 700D 滿足唔到我,想搵機會換過部新相機,但又可以用番現有的鏡頭。今日版主上手玩呢部 80D,覺得以中階機來說,都可以話勉強滿足到我,就有一點覺得唔係好慣,可能係用慣 700D 的關係,一直習慣拍攝模式的轉盤在右邊,但 80D 的轉盤就在左邊,呢點就需要時間去習慣。

    不過講番外型方面,其實 80D 同 70D 的差別並不是太大,機身體積為 139.0 x 105.2 x 78.5 mm,淨機身重量約 650g,比我部 700D 略重,但其實都可以接受。80D 同樣具有「握手位」,方便單手拍攝,而且能夠更穩定,同時具備 3 吋 104 萬點解像度 3:2 多角度多點觸控式 Clear View II 屏幕,支持觸控對焦、瀏覽及設定操作 (呢點對於版主來說並沒有甚麼特別,因為即使在入門機 700D 上,其實都可以做到)。另外,Canon EOS 80D 同樣配備光學觀景器,不同的是,今次是 Canon 首次在中階 EOS 系列的觀景器中提供 100% 覆蓋率以及 0.95x 放大率。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ Canon 80D 的正面圖,版主上手試玩所用的鏡頭,並不是跟機果枝 kit 鏡,而是 Canon EF 100mm f/2.8L Macro IS USM 鏡頭。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 呢個方向望落去,EOS 80D 的前方會有鏡頭拆卸鍵以及內置閃光燈開啟鍵。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 另一邊就有「握手位」,方便單手拍攝,而且在拍攝時能夠增加手持的穩定性。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 機背方面,其實如果俾我講,我會覺得同 700D 差別不大,同樣具有設定鍵、播放鍵、方向鍵、清除鍵、功能鍵等功能,而且亦有光學觀景器,Canon 表示是首次在 EOS 中階系列相機上提供 100% 的覆蓋率以及 0.95x 的放大率。另外右上亦有 AF Lock 鍵,在拍照模式時按「START/STOP」,可以開啟或者關閉 Live View,而在錄影模式的話,就會變左開始以及暫停錄影鍵。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 左下方會有個「LOCK」,呢個並不是甚麼新功能,在 70D 上都已經有,可以 LOCK 左上方的轉盤,讓你無法改變其設定。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ EOS 80D 具備 3 吋 104 萬點解像度 3:2 觸控式 Clear View II 屏幕,可以多角度翻轉,方便從不同的角度,借助 Live View 的幫助,拍攝出不同的效果。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 機的上方會有熱靴,可以裝上外置閃光燈、麥克風等配件。另外,上方仲有曝光補償、開關、模式切換、ISO 等功能,而且能夠顯示相機資訊。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ EOS 80D 除了有基本的程式自動曝光、快門先決、光圈先決的拍攝模式,亦有 C1、C2 自訂拍攝模式。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 機身側面會有 SD 卡插槽。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 另一側則有3.5mm 外接立體聲麥克風插孔、3.5mm 耳機插孔、C 型 (解像度自動切換) 兼容 CEC HDMI 輸出插槽等等。另外,Canon 80D 是支持 NFC 功能的,所以你都會見到會有 NFC 的圖示。

    45 點自動對焦 + 支持 AI SERVO AF! Canon 中階單反 80D 版主上手評測!

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ Canon EOS 80D 採用了 LP-E6N 電池,利用觀景器拍攝,最多可以拍攝 1390 張照片。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ EOS 80D 淨機身重量約 650g,雖然係比版主手上的 700D 略重,不過其實都係可以接受的。Model 上手 Canon EOS 80D,你覺得哪個吸引啲呢? icon


    採用 AI SERVO AF II 自動對焦演算法,支持每秒 7 張連續拍攝
    配置方面,Canon EOS 80D 採用了 2,420 萬像素 APS-C 尺吋 Canon CMOS 影像感應器,配備 DIGIC 6 數碼影像處理器,標準感光度範圍為 ISO 100 至 ISO 16000,並可擴展至 ISO 25600。雖然版主手上的入門級 700D 都可以去到 ISO 12800,不過其實去到 ISO 1600,影出黎的質素已經好勉強,但 80D 作為一部中階機,即使使用更高 ISO 感光度,亦能夠拍出相對較好的相片質素。另外,Canon 在 80D 的鏡頭像差校正中加入了「變形校正」,能夠即時修正鏡頭的變形像差,提升影像質素。

    除此之外,EOS 80D 亦內置 7,560 像素 RGB + IR 測光感應器,支援 63 區測光,配備全新設計 45 點全十字型自動對焦感應器,相比上代能夠支持更廣闊的覆蓋範圍,中央對焦點更為支援 f/2.8 光圈的雙十字型對焦點,低光對焦能力改良至 EV-3。新對焦系統在 f/8 光圈時亦可支援 27 點自動對焦點,其中 9 點為十字型自動對焦點。EOS 80D 提供 4 種自動對焦區域選擇,包括新加入的「大區域自動對焦」(Large Zone AF),並採用 AI SERVO AF II 自動對焦演算法,能夠更精確地追蹤主體進行自動對焦。值得一提的是,EOS 80D 具有改良版的「色調偵測自動對焦」功能,在單次自動對焦可以自動對焦偵測到的膚色,同時亦可以在 AI SERVO AF 時啟用 Color Tracking 自動對焦,提升其自動對焦的表現。連拍方面,EOS 80D 支持每秒 7 張連續拍攝及每秒 3 張連續靜音拍攝,最高快門速度為 1/8000 秒,而在 Live View 模式下,亦可連續拍攝 5 張相片。


    ▲ 從以上影片中,你可以看到,EOS 80D 的連拍速度並不算太慢,配合 AI SERVO AF II 自動對焦演算法,能夠追蹤主題進行自動對焦。隨着主體的移動,你可以看到對焦點會不斷改變。不過值得一提的是,80D 的連拍上限大約為 25 張,所以你會發現,連拍到咁上下,會突然間好似慢左落黎咁。相比版主之前試的 Nikon D5 或者 Sony 無反相機 A6300,Canon 80D 的連拍限制相對較多。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 以上是開啟了 AI SERVO AF II 進行連續拍攝時,其中一張相的效果。

    Canon EOS 80D 試拍
    都係果句,因為場地限制的關係,所以無辦法影到太多的景物,場內有一些模型,版主就利用手上的 Canon EOS 80D 配 EF 100mm f/2.8L Macro IS USM 鏡頭,拍下以下的照片,俾大家睇下大致的效果。另外,版主亦會俾大家睇下其他利用 EOS 80D 所拍的照片,讓大家能夠參考一下。

    場內試拍

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 100mm f/2.8L Macro IS USM;ISO 值: 800;光圈值:f/5.6;快門速度:1 / 64。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 100mm f/2.8L Macro IS USM;ISO 值: 800;光圈值:f/5.6;快門速度:1 / 125。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 100mm f/2.8L Macro IS USM;ISO 值: 800;光圈值:f/5.6;快門速度:1 / 32。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 100mm f/2.8L Macro IS USM;ISO 值: 800;光圈值:f/5.6;快門速度:1 / 16。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 100mm f/2.8L Macro IS USM;ISO 值: 800;光圈值:f/5.6;快門速度:1 / 20。

    更多相片
    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF-S 18-135mm f/2.5-5.6 IS USM;ISO 值: 200;光圈值:f/11.0;快門速度:1 / 320。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF-S 18-55mm f/3.5-5.6 IS STM;ISO 值: 400;光圈值:f/5.6;快門速度:1 / 100。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 600mm f/1.4L IS II USM;ISO 值: 200;光圈值:f/5.6;快門速度:1 / 4000。

    45 點自動對焦 + 支持 AI SERVO AF! Canon 中階單反 80D 版主上手評測!
    ▲ 鏡頭:EF 70-200mm f/2.8L IS II USM;ISO 值: 400;光圈值:f/4;快門速度:1 / 5000。

    小結
    初次上手 Canon EOS 80D,雖然起初覺得真係比我自己果部 700D 好好多,曾經有一刻的動搖,不過用落左之後,其實發覺如果你要影靜態的相片的話,其實兩部機並不是差太遠,不過 700D 在 ISO 感光度方面做得唔係咁好,唔可以 tune 得太高 ISO,如果唔係相片質素就會降低,而 80D 的限制就無咁大。但係如果平時需要拍攝動態主體的話,例如一些運動項目,Canon 80D 在這方面的確做得比 700D 好好多,呢點係無可否認的。可惜,版主平時好少會影動態的野,比較中意影下風景或者花草樹木,所以雖然佢在自動對焦方面落左不少苦功,對版主來說,其實作用不大,所以版主都決定暫時繼續用番自己部 700D 先,睇下之後仲有無其他單反可以吸引到我下定決心換機。不知網友們又點睇呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁