​15 樣機艙乞人憎行為 你有冇做過?

虎仔 / 馬日山 2014-11-26 10:29 | 聲音內容
//timgm.eprice.com.hk/hk/funky/img/2014-11/26/5406/uniqlo_1_18_e5eb3bc55251e9fdd2249659d84b33de.jpeg
就快到聖誕,好多人已經 Plan 定放假出埠去旅行。搭飛機如果遇著奇怪乘客,隨時破壞渡假心情,有網站列舉 15 項最乞人憎機艙行為,跳轉睇下你有冇遇過,又有冇做過!
[SEP]

15)二人旅行諗住訂窗口和路邊位,搏中間位無人坐。點知最後夾住另一名乘客,兩個人唔肯調位,而且經常傾偈騷擾坐中間嘅乘客。

14)口花花想溝隔離位嘅男仔/女仔。就算對方冇興趣,都依然唔識醒目唔收口,仲要問電話號碼約去玩。

13)有啲乘客上到飛機先唔滿意自己嘅座位,於是博大霧,坐咗其他乘客的座位,期望令對方屈服。

12)侵佔別人的領空,例如將手臂霸佔用來區隔座位的扶手。需知道機艙空間有限,這樣做十分不禮貌。

11)侵佔別人的領土。除了扶手,有些男乘客好喜歡擘大對髀,將腳伸到另一人的空間。

10)唔用耳機聽歌、睇戲、煲劇、打機。(這個巴士亦同樣適用)

9)將氣味濃郁的食物帶上飛機,版主就聽過有人帶咗件榴槤班戟上機... 

8)身體有異味。一個有體臭的乘客坐喺隔籬,有幾難受相信幻想得到吧!下次上機前記得沖涼。

7)未經他人同意,移動行李架內其他乘客的手提行李。

6)小朋友放聲大叫、嚎哭,但大人卻完全唔理。或者放任孩子不斷用腳踢座椅椅背。

5)對已經盡力安撫小孩的父母給予怨懟的目光或說話。(對方都已經盡了力,小朋友搭飛機需要多點愛心和包容)

4)坐窗口位、中間位,但坐唔定,經常出出入入行來行去,騷擾其他乘客。

3)除鞋除襪之後,將對腳抬高或四圍放。(版主出差經常遇到)

2)不斷推、拉、踢、抆其他乘客的座位。如果小朋友這樣做,還情有可原,但成人都這樣做就實在罪無可恕。

1)搞搞震導致航班延誤。無論係因為任何事情的口角、打鬥,或者惡作劇都有可能令航班延遲起飛,甚至中途折返。搞搞震唔單止令到航班延誤,更有可能破壞其他旅客的行程。

網友們你又有冇其他機艙乞人憎事件可以分享?留言話我哋知吧!

資料來源:mashable

最新新聞