香港地做警察真係好威威，有權力之餘，就算中五學歷入職，人工都接近 2 萬蚊，版主勁葡萄。不過錢邊個會嫌多，有 2 女 1 男警員去年就因為炒 iPhone 5s 賺外快，俾另一名 37 歲警員呃咗 23 萬。跳轉睇睇。
[SEP]
昨日明報即時新聞網報導，一名 37 歲男警喺去年 9 月 iPhone 5s 開售時，訛稱可以在美國大量入貨，再運來香港高價轉售。由 9 月到 11 月向 3 名想炒 iPhone 賺外快的同袍集資 23.5 萬，宣稱購入 40 多部手機。其後男警開出 5 張支票，宣稱是出售手機後嘅款項，但支票全部無法兌現。發覺中招後，3 名炒 iPhone 警員唯有在今年 1 月報警。經過新界北總區重案組調查後，終於昨日將涉案警員拘捕，控告 9 項「以欺詐手段逃避法律責任」罪名。即日起警員被停職，下月 4 日提堂。
其實當差咁好收入，點解仲要炒 iPhone 呢？唔炒就唔會俾同袍呃啦！（炒機呢啲小利都係留俾我哋啲低收入小市民啦，唔該！）睇完呢單新聞，再睇昨日亞視新聞，似乎有唔少警察喜歡用 iPhone，起碼旺角就有一個當更期間用嚟影攬腰合照...
資料來源：明報