好多時睇大陸新聞都覺得匪夷所思，點解咁都得。最近有懷疑係來自大陸嘅匪徒嚟香港綁票勒索，搞咗好耐都拉唔到人，當你驚訝香港治安點解變得咁差。原來大陸嘅罪犯為咗搵錢，係可以無所不用其極，最近一單偷竊案就紅到去外國。外國人聽到 O 咀，跳轉話你知。
[SEP]
外國著名汽車網站 Jalopnik 引述大陸網站報道，江蘇南通有兩名賊人將一條石屎路偷走變賣了。網友可能會問一條路點可以偷得走？事緣當地警方接獲投訴，有一條路的水泥路面突然唔見咗，變成爛路一條。民警調查後將兩件姓顧和姓楊的犯人拘捕，賊人供稱因為覺得路段冇人行，於是找來挖掘機械和運輸車，將長達 410 米的石屎路面挖走。
究竟挖走石屎有什麼用途呢？原來兩位賊人將瓦礫當作渣石變賣俾石料廠，630 噸瓦礫能夠賣到 1.2 萬人民幣，不過未趕及分贓就已經被公安拉咗。該路段 2008 年興建，一直相安無事，直到 4 月初突然被挖爛，市民於是向警方求助。後來警方透過 CCTV 追查到運載瓦礫，想搵錢嘅貨車車主，最後兩名賊人被拘捕。
資料來源：whnews