Coffee Shop 最低消費! 一家四口 最平 $200 埋單不是夢
|
聲音內容
[SEP]
呢間連鎖咖啡店就係 Pacific Coffee,版主最近係旺角朗豪坊地庫嘅 Pacific Coffee 幫親過,見到下面張告示,都嚇親。寫明由 5 月 7 日起,星期六、日及公眾假期會實施每位顧客 $50 最低消費。不過咁,你要剛剛好係 Pacific Coffee 洗五十蚊,唔係咁易。大家都知連鎖咖啡店嘅食品、飲品售價唔係平,一杯熱嘅 Latte $36 ,一支水最平 $18,夾埋都 $54。要件 Cake 都廿幾蚊,$50 最低消費即係叫人買多 D。若果一家四口誤入此場,真係總花二百蚊都唔出奇。梁特首話話一家四口月入九千蚊可以儲錢買樓?可以嘅,連去商場嘆冷氣都唔可以囉。
▲ 歡迎廣傳。據知九龍塘又一城分店都有最低消費嘅規定。想下想下,又一城跟朗豪坊都係遊客佔多,唔知有無關係呢?
▲ Pacific Coffee,其實你咁驚 D 人坐晒係到嘆世界, 攪到你唔夠生意,咁你又整到咁舒服做乜,不如變晒企位咪算囉。朗豪坊其實都有老 Mac 同 StarBucks,但 Pacific Coffee 趕晒 Cheap 客,樓上幾間連銷食品,一定更加多人。