特首選戰一開打，林鄭就用「We Connect」做宣傳口號，點知原來同成人玩具撞名，引來網民恥笑。最近一班 IT9 未玩夠，用「真.WeConnect」名義推出集合 Google 人工智能、雲端技術同 Open Data 嘅全新熱線服務，俾特首選舉冇票嘅市民可以表達民意。究竟點玩？跳轉教你！
[SEP]
「前線科技人員」FB 專頁發現有 151 名有份選特首嘅選委係區議員身份，佢哋有責任同當區市民接觸同聽取市民嘅意見，於是就設立熱線 58192689，市民只要打電話去講低所住區域，Google 人工智能語音辨識系統就會進行分析，並且話你知你嗰區有邊個區議員係選委，雲端網絡系統會幫你自動接駁去佢係政府網頁公開嘅電話號碼。市民就可以親自詢問佢區議員選委投票意向，向佢表達你嘅諗法，等佢哋可以真真正正感受下民意。
記住！對方係會睇到你嘅來電顯示號碼，唔好打去叫外賣或者玩電話呀！
資料來源：「前線科技人員」FB 專頁