版主而家真係好驚，因為工作都同 IT 有少少關係，屋企有電腦枱櫈沒有電腦。如果網友同版主都係一樣，今次你同我水洗都唔清啦！話說日前法庭審訊去年年初一旺角騷亂的案件，其中一名被告，就因為屋企張電腦枱而被控方質疑。跳轉睇睇。
[SEP]
根據蘋果日報報導，被指參予放火燒的士嘅被告楊嘉倫因為做電腦技術員，屋企有電腦枱但冇電腦，加上佢改變戴眼鏡習慣同購買新的八達通卡，被控方質疑佢意圖隱瞞。版主屋企都有電腦枱但冇電腦，只有孭住四圍去嘅 Laptop；平時唔戴眼鏡但揸車時會戴。咁樣都係意圖隱瞞嘅證據，版主真係好驚囉！
資料來源：蘋果日報