近下某葉姓囚犯離世，引黎左大量朋友討論該囚犯當年嘅事跡，當中有朋友講到，如果當年偷金舖可能夠成世人豐衣足食，而今時今日你偷左成個金舖嘅金都唔知買唔買到個首期，仲要假設無人捉到你。日本有個傻賊真係傻傻地，偷金都偷錯野，搞到真係得過吉，車馬費都搵唔返。
[SEP]
話說日本佐渡市開左間相川鄉土博物館，用黎展示各種歷史文物，當中一項展覽品就係當地所生產嘅金銀。喺一個星期前星期日深夜，有賊人打破左博物館入口嘅玻璃，而撬開一樓展覽室內嘅展覽箱，偷左入面嘅「金」，而隔離嘅銀就無事。事後，博物館表示基於安全理由，本身展示嘅「金」其實係仿製品黎，而隔離嘅銀的確係真銀黎，不過無俾人偷到，所今次真係「笨賊得個吉」。
Source: 産経ニュース