唔少騙案嘅不法之徒都來自大陸，相信好多人都有一種感覺，大陸好多騙子，而且佢哋作案手法層出不窮。最近大陸傳媒就報導一宗騙案，騙徒利用近期新聞都有報導的 WannaCry 電腦勒索事件，嘗試詐騙受害人金錢，而對象竟然係自己老豆。咁忤逆？跳轉講你知詳情。
[SEP]
話說大陸溧陽市一位高先生於星期二上午向電燈公司報案，表示因為電錶比中了勒索病毒，所以屋企停電。電燈公司的員工 R 晒頭，表示電錶雖然是智能的，但因為沒有電腦操作系統和接口，絕不可能感染電腦病毒。但高先生表示家門外已經貼了勒索病毒令家中停電的通知，要求掃描 QR Code 支付贖金。
電燈公司職員覺得有異，於是直接到高先生屋企檢查。高先生非常激動，問工作人員有冇準備最新的殺毒軟件，又要求為電錶防火牆升級，擔心屋企會冇電供應。工作人員到電錶房檢查，未有發現任何被撬或破壞的痕跡，只是高先生門外的電錶被關掉。工作人員將所謂勒索通知的 QR Code 掃描一下，發現帳號的收款人同樣姓高，原來是高先生的兒子因為要呃老豆錢，將電錶關掉和製作假通告。
連自己屋企人都呃，呢個衰仔真係不孝！