近日有網民上載了一張相片，屬於一間牛肉麵店的招牌，上面寫著「五不招待」同唔少粗口。店舖表示嫌貴、嫌慢、嫌少、趕時間喎囉囉嗦嗦的客人都不招待，每一點下面都有唔少粗口。雖然粗口係廣東文化一部分，唔少人細細個已經識，但寫晒出嚟再做成燈箱擺喺條街，有冇問題真係要留待網友評價。至於咁寸嘴嘅食店好唔好食？跳轉睇下食客點評價。
[SEP]
睇返麵店嘅 Facebook 頁面，40 個評分中有 26 位食客俾 5 星星激讚，但俾 1 星星嘅亦有 4 位。有食客留言表示牛肉麵湯頭有色冇味唔得，麵質好淋唔彈牙，牛肉亦冇乜特別，結果店主一貫寸嘴作風話留言者係打手，又話自己間鋪寫明好難食牛肉麵，就算係咁又如何。又有客人投訴老闆唔喺店店員就亂來，例如牛肉厚切變薄切，鹵味味道唔同咗等等，老細就話回應問候啲伙記同跟進，再賴自己搵緊新舖唔得閒返舖睇檔。
寸係一種態度，爆粗亦係文化，但係咪要咁寸咁爛口，就睇下班客係咪接受啦。
資料來源：Facebook