水貨客呃跨境學童走私時有聽聞，唔知係咪暑假臨近，走私方法亦要與時並進。6 月 30 號晚就有港女帶住大批 iPhone 同手錶博大霧闖關，點知喺羅湖口岸俾大陸海關捉住。佢走私嘅手機數目之多，就連大陸海關關員都話嚇一跳。詳情跳轉話你知。[SEP]
大陸傳媒指呢位中年港女以 4 部一紮方式將 iPhone 用橡筋綁好，在用束身內衣同腰封作掩飾，將 102 部 iPhone 綁上身，再喺空位放咗 15 隻天梭表。港女諗住著上外套就可以過骨，點知走私貨物加埋重 40kg，成副盔甲咁。而且關員見到佢大熱天時著外套，但又唔似有病，加上上身肥嘟嘟，但手臂同雙腳卻纖瘦到唔合比例，於是就被要求過金屬探測機同入房檢查。
結果當然係事敗！港女馬上被大陸海關以走私罪名拘捕，至於過百部 iPhone 同手錶就梗係充公啦！
資料來源：明報