昨日網上流傳一封電郵嘅截圖，提醒網民小心受騙。話說有住喺大埔區嘅網民，日前突然收到宣稱係港燈嘅電郵，表示經過計算後會回贈返 HK$800.60 的電費俾對方。整封電郵有晒港燈嘅 Logo 同 125 週年嘅圖案，全英文書寫冇乜騎呢錯字，但就要求網民填寫個人資料，又表示申請會喺 15 日內生效。究竟破綻喺邊度？跳轉話你知。
[SEP]
正當網民想輸入資料時，突然醒起家住大埔，並冇可能係港燈嘅用戶，於是即時 Hold 住，並聯絡港燈跟進，港燈之後就喺官網發咗個聲明，表示冇發出過類似電郵，亦唔會要求客戶點擊連結和提供個人及信用卡資料，又指已經就事件向警方報案，呼籲市民不要打開來歷不明的電郵和透露個人資料。
資料來源：Carrie Lan / Tai Po 大埔 Facebook 專頁