以電動車聞名嘅車場，美國有 Tesla，強國亦有比亞迪。今日係比亞迪電動巴首日行走九巴同龍運巴士嘅大日子，唔少巴士迷都非常期待，點知行走九巴 5C 路線嘅 BDE4 一出車就跪低，司機話咁快就可以休息唞一唞，今次真係要感謝黨感謝祖國。跳轉睇詳情。
[SEP]
根據香港交通.資訊網討論區的網民報料，今朝九巴 BDE4 比亞迪電動巴士原本負責行走 5C 路線，第一程喺 7:52am 由慈雲山（中）開出，點知到咗第一個分站就已經出現問題，要擺街攪牌「暫停服務」，將乘客轉去第二部巴士。有網民笑指比亞迪電巴應該破咗第一日最快壞車記錄，有人建議改做員工專車，不過有心水清網民回應話，壞車員工返唔到廠，出唔到車仲大鑊。
唔少網民都笑比亞迪電巴之前測試過唔到關，轉個彎上完斜就壞車，行到出總站唔爆炸已經當佢贏，又話懷疑行平路同落斜都有機會壞車。
資料來源：香港交通.資訊網