版主虎仔發現每當有小米手機嘅負面消息，總會有幾個網友衝出嚟反駁。唔知佢哋係打手抑或米粉呢？真正米粉應該全屋都係小米產品，就連小米生態圈嘅週邊產品都唔放過。不過想真真正正將屋企變成「小米之家」，而家有機會啦！跳轉話你知詳情，不過正準備 3 萬人民幣。
[SEP]
小米旗下嘅米家平台，最近推出咗一套 25 件嘅傢俬組合，足夠讓米粉用於全屋，等自己可以入住「小米之家」。呢套傢私包括由歐洲榆木製造嘅電視櫃、書櫃、書枱、衣櫃、鞋櫃、飯枱、座椅、茶几、雙人床等，仲包括 SINOMAX 牛皮高密度 Cushion 等等。
呢一套傢俬係由杭州一間生產商製造，屬於小米生態圈一員，單單見到橙色嘅床頭板和椅墊，米粉應該會馬上衝。事實上呢個喺米家平台眾籌嘅項目，如今已經 600% 超額完成。10 月 7 日就會交貨，唔知香港嘅米粉有冇興趣買返一套放喺屋企呢？（買唔晒一套，其實都可以逐件買）
資料來源：米家