唔少人都會去 IKEA 買下家品，估唔到一個平平無奇嘅金屬碗，竟然會突然起火。一名瑞典男子 Walter 日前用 IKEA 嘅 Blanda Blank 金屬碗放咗一抽提子，喺屋企後院一邊享受陽光一邊食提子，突然之間發現身邊出現一道煙。究竟咩事？跳轉有片睇。
[SEP]
起初 Walter 以為係隔離屋開 BBQ Party，後來先發現原來碗裡面嘅提子枝，因為反光嘅金屬碗將陽光聚焦而點燃起火。為咗向朋友證實真有其事，Walter 之後用一張紙再次示範。據講 IKEA 收到匯報之後大為緊張，表示會徹查事件。呢隻碗香港都有得賣，價值 69 蚊，可以利用太陽點火咁有用，唔知會唔會引來搶購呢？