版主虎仔有個慳家朋友，時至今日依然用緊 iPhone 6，最近佢知道新 iPhone 快將發表，蠢蠢欲動準備換機。問版主新 iPhone 同佢部舊機最大分別喺邊度，我答佢冇咗 3.5mm 耳機孔，呢位可能住喺火星嘅朋友表現得難以置信。自從 iPhone 7 冇咗 3.5mm 耳機孔，好多人都諗盡辦法，最近就被一位開發者 Scotty Allen 諗到方法，佢自己設計電路板，再喺深圳購買零件，最後成功為 iPhone 7 加上 3.5mm 耳機孔。佢已經將電路板設計開源，唔知遲啲會唔會有改機服務呢？（不過 iOS 系統限制，聽歌時始終無法充電）跳轉睇片。
[SEP]