• 呃飲呃食!重慶男 Cap 圖當手機支付
    呃飲呃食!重慶男 Cap 圖當手機支付
    香港越來越多店舖接受手機支付,有冇諗過隨時成為騙子嘅目標?比香港行前好多步嘅大陸,不時傳出騙徒借手機支付詐騙,只要一個唔小心,搵錢變成蝕錢之餘,仲要一肚氣!大陸傳媒最近報導,重慶一名賤男每日都會幫襯同一間小餐館,而且都叫相同的飯餐,點解咁長情?原來只係呃飲呃食。跳轉話你知詳情。




    餐館老闆劉女士一向只收現金,後來接受手機支付就發現盤數經常有問題。劉女士女兒於是在店內安裝喇叭,當手機收到付款就會有語音提示,之後劉女士就依賴喇叭的語音提示,不再查看客人的手機確認。不過一名廿多歲嘅男士在過去幾個月幾乎每日都幫襯,而且都係點 11 蚊的飯餐,但俾錢時喇叭都沒有收款提示聲音,見到男士的手機畫面卻顯示已經付款,劉女士不敷有詐,直到同女兒提起事件。

    呃飲呃食!重慶男 Cap 圖當手機支付

    女兒相信男士根本就冇俾錢,一直只用手機 Cap 圖詐騙母親呃飲呃食。直到有一日男士因為漏低物品返回餐廳,劉女士決定當面對質,要求對方出示付款記錄已證明沒有食霸王餐,雖然一直拒絕拿出手機,直到民警到場終於屈服,最後揭發男士一直以 Cap 圖行騙,當佢「補交」300 人民幣飯錢時,餐廳的喇叭即時響起提示聲,劉女士表示難怪佢日日都點相同價格的飯餐。
     
    • 2018-07-06
    • 暱稱:虎仔
    • 文章分類:搞笑影片
    • 閱讀 7311 次
    • 1篇討論