大陸網民勁 Like 嘅抖音 App，令人人都想變網紅，於是引發不少扭曲人性，就連大陸網民都睇唔過眼嘅怪事。最新一單來自浙江省一名女生，佢竟然一邊揸車一邊拍片上載抖音，由於分心望手機同埋喺旁邊乘客座嘅狗狗，結果炒車，整條路邊金屬護欄由車頭直插入車廂。跳轉有片睇（怕血者請回避）。
[SEP]
女事主嘅抖音帳號好快就關閉，但仍然有網民將事發前嘅部份片段留底，睇到事發後車身好似串燒咁俾大大支金屬護欄插住，加上女事主血流披面（但仍然撳緊手機）嘅情況，抖音真係累人累物，難怪有網友嘲笑「果然抖音上都是一群XX」，又說「快來看玩抖音的下場」。
不過無論係咪用抖音，揸車期間最好都係放低手機啦！