旅遊博客 Nas Daily 不時會上載影片，分享不同地方嘅特別之處，尋日嘅影片介紹香港地鐵。佢以港鐵延遲 30 分鐘會被政府罰款 100 萬作為引子，大讚港鐵。又話港鐵有 Wi-Fi、乾淨到可以瞓喺地，又有玻璃幕門同車費超平。網友跳轉睇片再評論。
[SEP]
比起印度、菲律賓，甚至紐約，港鐵可能有唔少優勝之處，不過係咪好似係 Nas Daily 條片咁正？版主呢幾年都冇機會親身感受過。先唔好講地下係咪乾淨，喺地鐵站瞓喺地唔俾人踩到應該係奇蹟。仲有佢咁後生可以有位坐，應該要清早第一班車，或者班長者瞓哂覺先有機會。港鐵係有 Wi-Fi，不過速度係點網友心中有數。
最難得嘅可能係，喺地鐵裡面拍嘢，仲要有職員笑笑口對住你，同你講英文應該無咩可能。綜合以上種種，有網民得出結論，就係條片係港鐵俾錢 Nas Daily 拍嘅。如果用呢個角度睇多一次，即刻明晒。