三頻合一
目前為止，3 香港擁有嘅手機通訊頻段有五段之多，其中用於 4G LTE 網絡包括大家熟悉嘅 Band 3 (1800)、Band 7 (2600) 及今日宣佈開通嘅 Band 40 (2300) 頻段。不少大品牌手機如 LG G4 單雙卡版、HTC One M9、M9+、E9+、ME 及一系列 Sony Xperia 新機如 Z3+ 單雙卡版、M4 Aqua 及 C4 Dual、Samsung Galaxy S6 與 S6 Edge 已全部支援。擁有這批手機嘅 3 香港客戶，就可以用齊上述嘅 4G 頻段上網。3 香港表示，Band 40 （2300）頻段，會係今年年底開放給用家使用。不過，暫時提及月費會否因為提速已有調整。與此同時，今次 3 香港母公司和記電訊香港，亦與網絡設備供應商華為，簽定三載波聚合網絡工程合約，只要同一地點，可以收齊 FDD-LTE Band 3 (1800)、Band 7 (2600) 與 TDD-LTE Band 40 (2300) 三個頻，而手機亦支援的話載波聚合，有機會享用到最高 335Mbps 速度上網。3 香港表示，會係明年 2016 年初，先開通 FDD / TDD-LTE 2CC 「載波聚合」(Carrier Aggregation) (1800 或 2600 再配合一段 2300) ，並於 2016 年下半年開通 FDD-LTE 1800 / 2600 2CC + TD-LTE 2600 3CC 「載波聚合」(Carrier Aggregation) (1800 + 2600 再配合 2300) 。但 3 香港未有表示，會否因為 4G LTE 提速而減價。順帶一提，3 香港現時已提供 1800 + 2600 「載波聚合」(Carrier Aggregation)。
▲ 3 香港現時已提供 FDD-LTE Band 3 (1800) 與 Band 7 (2600) 嘅 2CC「載波聚合」(Carrier Aggregation)，只要你有 HTC One M9、LG G4 單卡版、Sony Xperia Z3+ 與 Z4 Tablet 或 Samsung Galaxy S6 與 S6 Edge，就可以收到最高 225Mbps 嘅上網速度。到 2016 年初，當 3 香港建設 Band 40 (2300) 網絡，配合當時的手機，可享用最高 225-300Mbps 網速。2016 年年底，3 香港會實踐 FDD-LTE Band 3 (1800) 、 Band 7 (2600)、Band 40 (2300) 嘅 3CC 「載波聚合」網速可達 335Mbps。
▲ 雖然要處理這麼多頻，但現時的機站大約一個櫃。
300 速被 csl. 獨佔了名詞 , 高速限制多
講開「載波聚合」(Carrier Aggregation) ， 網友可能比較少聽及，原因相信係第一個引入 Carrier Aggregation 用了 LTE-A 300 速度表達。其實 Carrier Aggregation 係香港，除了 csl.，3 香港與數碼通同樣有做到，也是 LTE-A 的一種。無論係咪最高 300 速，亦係 csl. 早前示範過嘅 450mbps ，都要你部支援 Carrier Aggregation 嘅手機，同一時間、地點收足咁多條段先可以。若果你個上網地點只係得一個頻段覆蓋，如港鐵大部份都係得 Band 3 (1800) 覆蓋，唔存在可以用到最高乜乜速。當然，你部手機有無咁先進，亦係另一個原因之一。3 香港亦表示，將來會把 Band 8 (900) 與 Band 1 (2100) 轉為 FDD-LTE 網絡，Band 8 (900) 會大約係2016 年，而 Band 1 (2100) 大約係 2017 年。而跟據 3 香港嘅 Roadmap，去到 2018 年，900 / 1800 / 2100 / 2300 / 2600 五個頻段，可以用 5CC「載波聚合」( 5CC Carrier Aggregation)，到時上網速度就超過 400Mbps 啦。