三星唔退錢俾細舖，淨退 Credit Note?
唔計爆炸 Note7 的機主，版主認為事件中真正的受害者，應該是細舖店主，佢地所遇到的問題，更為複雜。唔知大家知唔知道，其實三星係有好幾個不同的代理，而今日《蘋果日報》就報導過，有三星代理商要細舖先行貼錢退俾客人，先不說店舖是否有足夠的現金，真正令人無語的，是三星的處理方法，居然話只會以 Credit Note 的形式退番俾細舖，即係話無現金袋番之餘，仲要逼住要繼續買三星手機，版主覺得是不合理的。
核心問題未解決，店主表示：唔夠 Cash！
就這個問題，版主深入訪問深水埗細舖店主。只能說，錢是關鍵，有錢的店舖就影響不大，無錢的就叫苦連天，大喊唔夠 Cash。佢地對於三星代理安排點睇？有店主表示，最新消息是，三星將會由原來的 Credit Note，改為約在 2 星期內退回支票，據悉每退回一部 Note7，三星應會有少量「回贈」慰勞細舖。沒錯，影響相對係減低左，但核心問題依然未解決：唔夠 Cash！咁三星有否提供解決方法給細舖店主？據指三星所謂「方法」，就是叫佢地籌錢，退得一部得一部......咁即係都係無用。
水貨店先係最慘嘅苦主？
版主走到水貨雲集的旺角先達廣場，找到更慘的苦主。有水貨店店主表示，是次事件令佢地損失不少。但退款都是其次，更大問題是，因為 Note7 的水貨是來自不同國家如台灣、韓國，而每個國家三星處理方法都不一，水貨店要逐一向不同的三星交涉，尋求處理方法，相當麻煩。更麻煩的地方是，如何將水機退回各地的三星呢？又上唔到機，只能一直將「炸彈」留在店舖，可以點呢？確實解決方法，暫時還是未有。深水埗、旺角店舖有咁多野訴苦，網友又有無乜野苦況同版主分享一下呢？你地退機的時候，又遇到怎麼樣的經歷呢？留言講下啦！
▲ 不過版主發現，旺角先達似乎先係苦主雲集地？
Note 7 電池爆炸，香港事故重温
不要再留戀！飛機無得上! 航空公司全禁 Note7 上機版主走訪旺角 深水埗！找出 Note 7 爆炸真苦主
三星終極大難題 ： 找不出 Note7 爆炸原因 + 銷燬破壞環境
三星香港 安排退錢或換 S7 Edge，Note7 災戶，你又肯唔肯?
IT 界議員：三星叫停用 Note 7 你繼續用？ 再爆追究十級難
停用 Note7 怕爆炸？三星：No Worry 借部 On 7 俾你！
買到 Note7 變珍藏限量版！三星宣佈停止生產 Note7！
爆出事！三星 Note7 陣亡 近期旗艦入手攻略！
香港回歸「全球」！三星香港發出聲明，有無得換機／退款？
版主收料：確認 Note7 已在香港停售