$98 42Mbps 高速 + 5GB ! HKBN 高速 4G Plan 現身

Keith Yim 2016-10-18 21:04 | 數碼通
早前 HKBN 租用數碼通網絡,推出帶機上台 SIM Only 計劃。雖然唔係全城最平,但係可以用中國移動香港價錢,有數碼通嘅網絡享受,都算抵嘅 (按呢到知詳情)。不過,呢幾日流傳 HKBN 有暗 Plan,版主了解過,真有其 Plan。最抵玩 384bkps 限速價錢加十蚊 ($116),就有 5GB 用量 4G 網絡 42mbps 速度。點樣出?版主話你知!

HKBN-fb.jpg

申請過 HKBN 的 Broadband 的,都知道其實都幾多海鮮價,例如限時特價 Plan。原來連手機 Plan 都一樣。呢兩日係討論區一直流傳緊係 HKBN 官網揾唔到嘅計劃,價錢好抵!呢幾個 Plan 嘅圖片,係咪傳聞,是真是假?版主了解過!首先睇睇呢批優惠 Plan。

hkbn02.jpg
▲  網上傳嘅其中一個 HKBN 計劃,寫明可以用個人名義登記。版主問過 HKBN 發言人,其實給予某些公司的特別計劃來。要進入呢頁,要有 Sales 給你連結  URL 及 Password。版主呢到唔方便爆出來,但核實過真有其 Plan。登記過程,其實唔理你係咪係咪該公司員工。$98 Plan ,要加 $18 每月行政費,包 5GB 用量,速度最高 42Mbps。呢個 Plan 要簽24 個月,每月總計 $116,其實比起市面上 384kbps 只係貴十蚊。另一個 Plan 月費 $148 ,免行政費,4G 網絡不限最高速度,有 5GB 用量,同樣 24 個月合約。呢兩個 Plan 都係無限上網,只係用爆咗,限速不低於 128kbps 速度。

HKBN01.jpg
▲ 要見到上面申請計劃頁面,其實要有進入呢個頁面嘅網址 URL,亦要有登記密碼,仲有 10 月 31 日就到期。網頁已寫明係特選企業員工嘅優惠。

特別計劃,特別申請

上面圖片,有兩套唔同計劃。據了解,其實都係企業員工計劃,你在官網好難找到出來,但圖片又明明係 HKBN 官網 Capture 的,咁即係點申請?原來呢兩個 Plan 連 Sales 都唔駛聯絡,只要網上登記就可以。版主問到進入到呢兩個 Plan 申請服務網友,原來係有 Sales 把進入呢兩個計劃嘅 Password 係不同途徑傳出去。呢個 Password 原本係給予指定公司機構。比較有趣嘅係,申請過程,其實完全唔駛核實公司資料。只要填寫個人資料,揀號碼或填寫轉台 Form 就可以。其實版主都申請咗 HKBN 嘅手機上台計劃,之後會有專人跟你聯絡,到時會否問你取公司卡片或證明資料,我唔知道,但照計佢地都要客,無理由咁樣 DQ 你,HKBN 做生意架,你估係 689 愛玩野咩!

hkbn05.jpg
▲ 係  HKBN 官網商業通訊部份,也有上面計劃,一樣好抵。但呢四個計劃,唔接受上網登記,也似乎要用商業登記證才能開台,比較麻煩。 

打通 4G 網絡

有留意嘅話,HKBN 比較多人開嘅 Plan 都係幾個限速 Plan,包括普通用家申請到嘅 $108 21Mbps 速度 Plan,或者上面 $98 42Mbps 速度 Plan。唔少網友話,由於無寫明係咪行 4G,好怕 HKBN 突然限制只用 3G 網絡。版主再次問過 HKBN 發言人,可以肯定,佢地現時採用數碼通網絡嘅計劃,全部打通 4G / 3G 及 2G 網絡,收唔收到 4G,只係視乎你用緊嘅手機及覆蓋。不同之處,就係寫出來不同嘅最高速度,唔存在之後會限制你只能用 3G 網絡。網友對 HKBN 計劃有興趣,可以放心使用。

 

最新新聞