，可想而之一卡兩號市場需求有幾大，停售左啲人都依然會四處尋卡。不過，最近有張中國聯通的跨境王加強版儲值卡，正式宣佈要回歸了！係好事，但有無伏呢？睇下文啦！
一卡兩號儲值卡復活，有無伏？
中國聯通最近在 Facebook 專頁上出左個 post，表示早前已經停售很久的一卡兩號跨境王加強版，終於重新推出了！不過，呢張 SIM 官網就不會有售，因為始終要實名的關係，必須要親臨中國聯通門市，即場進行實名登記，先至可以購買。而呢張跨境王加強版儲值卡，到底有啲乜嘢特色呢？建議零售價為 $138，備有儲值額 $80，除了可以中港澳台四地數據共用，仲可以中港電話免費接聽，即係於香港就用香港電話免費接聽，而中國內地就用國內電話免費接聽。
開卡後有效期為 90 日，如需延長有效期，就必需靠增值。增值過程都尚算方便，只要用手機瀏覽器輸入 www.cuniq.com/tp，輸入需要增值的香港／國內電話號碼，然後就可以透過 Visa／MasterCard／PayPal／國內發行的銀聯卡，即時以港幣增值。
聽落都幾好吖，咁點解會問有無伏呢？其實，整體上張咭都無乜大伏，最伏的地方在於買唔到。睇番中國聯通 Facebook 專頁網友的留言，在宣佈跨境王加強版復活幾天，根本大部份門市都買唔到，而聯通官方答案是：被搶清光，所以無貨。而版主都試過打電話到門市問過，都表示現時只有「香港號碼版」，但一卡兩號的「加強版」就沒有，相信是因為缺貨的關係。問及預計甚麼時候會有得買，店員表示要打電話向 Hotline 查詢。而版主再向聯通查詢，表示尚未確定，至今仍在計劃正式推出的日期。
一卡兩號有無更抵玩方法呢？
跨境王加強版的推出，無疑是一件好事，但買不到，都無用。想玩平價一卡兩號，其實聯通 $50 4G Advance 本地月費計劃，都玩得過，簽約 24 個月，除左可以免行政費 (需信用卡自動轉賬）、中國內地號碼費用以及本地運費，佢仲有每個月 1GB 香港數據以及 50MB 內地數據可供使用，不過就沒有像跨境王加強版般，可以有免費接聽電話的服務。而如果你話，你連香港數據都唔要，淨係想要個香港、內地號碼，作為收 SMS 用途，則可以選擇 4G 自由組合月費計劃，最平 $11 就可以申請。版主都正考慮緊申請呢個一卡兩號 Plan，網友仲會唔會有其他更好的選擇呢？留言分享下啦！