i-Cable 中國移動香港聯盟!有線電視 +CMHK 手機計劃咁都得

左定坤 (Cho Ting Kwan) 2018-05-13 20:45 | 中國移動香港
不知網友有沒有印象,二月的時候版主就跟大家提過一個消息,表示有市場傳出 i-Cable 有線寬頻將會租用數碼通網絡開手機台,原來今日有線寬頻已靜靜雞開始手機台業務,而根據版主收到最新的消息指出,有線寬頻暫時來講,唔係要做 MVNO,係直接跟網絡商合作,賣埋佢地嘅 Plan。合作單位不是數碼通,係中國移動香港 CMHK!

i-cable-fb.jpg

今日,若果大家行開街,會見到 i-Cable 有線電視街霸新 Banner,有趣地,i-Cable 跟中國移動香港推埋一齊。中國移動香港 CMHK 本身有寬頻服務,但用嘅係 HKBN 網絡。但佢地居然同 i-Cable 合作!只要安裝 i-Cable $168 月費收費電視服務,就可以免行政費選用 CMHK 兩個計劃,包括 $88 月費 21Mbps 網速 5GB 計劃,或者 $248 蚊 20GB FUP 不限速無限上網計劃。

螢幕快照 2018-05-14 下午8.18.57.png
▲ $168 收費電視有乜睇?包 App,包有線最值錢嘅新聞台,有新一批嘅 Fox 頻道,包括有歐霸睇嘅 Fox Sports、仲有 Fox 五個港產及外語電影台。

cable01.jpg
▲  至於你可以同時申請 CMHK 月費計劃,呢兩個月月費計劃,其實跟 CMHK 本身無分別,如 $248 數據任你用,都係簽廿四個合約,免首四個月月費。版主計過,其實跟你獨立同 CMHK 街霸申請無乜分別,因為 CMHK 街霸都係免 $18 行政費。

仲有無新 Plan?

i-Cable 旗下電訊公司「有線寬頻電訊」已在 PPS 付費服務裡面開設戶口,收客付台費無難度。其實,i-Cable 係 PPS 裡面已有收費電視及寬頻的帳戶,今次以電訊名義再開設戶口,更證明佢地好大機會會推出手機台服務。遲下會否成為真正 MVNO? 或會獨立出 Plan? 暫時未知道了。

i-cable01.jpg
 

最新新聞