由未改名前的新世界傳動網至今日的 Sun Mobile，究竟呢間用 csl. 網絡的平價網絡供應商，今年加左幾多次價？三次？由 Total 月費 $72 無限上網，加至今時今日 $96！今日 Sun Mobile 靜靜雞係網站公佈一個壞消息! 由以前無限上網全程速度 384kbps，改為首 2GB 384kbps，之後再限減速 128kbps。要知道 csl. 網絡本身可提供 42Mbps 的 3G 上網速度，384kbps 本身是大限速，再限至 128kbps，真係變返 2G GSM 速度。
其實，前一天香港政府才完成 2100Mhz 3G 頻譜拍賣，當時版主已跟大家講過，PCCW 跟 CSL 合拼後的 csl. 係 2016 年 2100 頻譜會少一半。事實上，新 csl. 本身要照顧舊 CSL 及 PCCW 客戶，再加上租用 3G 網絡給中國移動香港 CMHK，減一半頻譜，點頂。雖然說兩年後才生效，但其實 csl. 開始要做頻譜交接，兩年內 3G 服務好大機會受影響，要子公司 Sun Mobile 限制用家用量，一點都不出奇。問題係，128kbps 上網速度，今時今日可以做到乜？有時連接 WhatsApp 都唔會順架!
▲ Sun Mobile 網站已寫了新計劃的速度限制。
▲ 似乎 Sun Mobile 會全力推廣之前推出的 4G 42Mbps 速度計劃，唔係無限上網，最多每月 6GB 用量。而門市亦不見大力推廣無限上網的「隨意用」計劃了。