正式啟動 LTE-A,網速高達 300Mbps
記得上年,舊 CSL 搶先全港公佈會係香港開通 LTE-A 服務。什麼叫做 LTE-A? 即係叫作 LTE Advanced 的網絡升級,簡單來說,就是把現時 4G LTE 上網速度,由最高的 150Mbps,提升至最高 300Mbps。技術一點,網絡商會透過 Carrier Aggregation 載波聚合技術,把兩個用作 4G LTE 的頻段,合二為一,把上網速度提升。以 csl. 以言,就是把現時手機單向接收 1800MHz 或 2600MHz 頻段,改為一次過接收兩個頻段,由收一條 Channel 變為收兩條 Channel,齊齊提供服務,上網速度當然快 D 啦。▲ 由星期五起,csl. 會提供 LTE-A 服務,仲要大力推廣。
版主得悉,今次 csl. 會跟三星合作,首部支援 LTE-A 的手機,會係 Samsung Galaxy Note 4,至於一直說支援 LTE-A (即 Cat 6) ,採用 Krin 920 CPU 的華為手機,會否用到 csl. 的 LTE-A 服務呢?大家要等星期五 csl. 的公佈了。
講到呢到,大家要留意,版主跟大家講過,要享用 LTE-A 速度,大前題要收齊兩條 Channel,簡單來說,係港鐵只有 1800Mhz 頻段的 4G LTE 服務,便享用不到呢次升級;此外,大部份室內地方接受以 1800Mhz 頻段為主,室內也難以享用到 LTE-A 的升級速度。
與此同時,csl. 有部份 2600Mhz 頻段是由 HKT 與和記電訊合營的 Genius Brand 擁有,即係升級工程,3HK 都有份。如無意外,3 香港會係同日公佈 LTE-A 網絡升級。另外,版主之前提及,SmarTone 同樣提供 LTE-A 的服務,不過是透過 900MHz + 1800MHz 進行,最高速度是 135Mbps。其實,SmarTone 只是開通少量 900MHz 頻段,旨在加強覆蓋 (尤其室內,900MHz 比 1800Mhz 有更好的效果,但大前題你的手機也用到 Band 8 (900Mhz) 囉 ),多過提升速度。
▲ 第一款支援 LTE-A 手機會係 Samsung Galaxy Note 4
cut 無限!CSL 舊客大災難
講完好消息,講壞消息。舊 CSL 一直有大量無限上網計劃用戶,就算滿左約,都唔會 Cut 佢地,只要肯繼續用,基本上呢個無限上網 Plan 係一生一世。不過,版主收到風,由 HKT 渣 Fit 的新 csl. 情願唔要客,趕你走,也決心取締無限上網 Plan。版主得悉,csl. 好快會出信,邀請舊無限上網計劃用家,改簽新有限上網計劃,你唔肯,十四日通知,跟你斷絕關係。毒嗎?版主也希望呢個消息唔係真,因為版主 Keith 就係最後一批無限上網的用家,九月到期呀。。。救命呀!▲ 速度提升,月費有增無減,仲要無無限,幾快都無用。