主題:​csl 用家即玩 Tap&Go! 唔駛指定銀行,手機即變信用卡

ePrice HK
  • 發表時間:2015-07-27 12:15 收錄檢舉
    有說 CSL 與 PCCW Mobile 合拼,月費只有加,大家錢就俾多左,有乜新奇嘅用途呢?繼之前推出寵物追蹤,csl. 用家以後可以用好過癮嘅方法付款! csl. 母公司香港電訊,今日成立一間新公司兼與 MasterCard 合作推出全新付錢服務。用家可以把 NFC 手機變為信用卡。今次嘅技術突破,就係唔駛採用指定嘅銀行信用卡,香港電訊新公司做埋 HKT Payment Limited 中介機構,令用家有更大嘅選擇。

    ​csl 用家即玩 Tap&Go!  唔駛指定銀行,手機即變信用卡
     

    新卡付款,唔駛掛單信用卡

    csl. 嘅母公司香港電訊 HKT,今日宣佈成立一間子公司 HKT Payment Ltd 專門負責 Mobile Payment 流動付款嘅業務。該公司會同信用卡發行商 MasterCard,共同發展香港第一款結合流動付款嘅手機 SIM 卡,透過手機嘅 NFC 及手機 App (csl. 名為 Tap&Go),用家可以實現用手機付款。

    與個別銀行推出嘅流動付款服務不同,今次 csl. 推出嘅Tap&Go 本身是香港金融管理局旗下認可,而呢張手機 SIM 卡已兼具 Master Paypass  功能。跟有晶片嘅 MasterCard 信用卡用家一樣,可以透過不同零售點嘅 Master Paypass 進行即拍即款付。呢張卡都有一個 MasterCard 嘅 Number,等用家可以作 Online Shopping。但不像信用卡會幫你先款付,後找數,係要你係戶口裡面有足夠金錢,才能付款,情況就如使用八達通相約。csl. Tap&Go 嘅呢個 App,用家可以存入最多港幣一萬元用作流動款付,每次最多作一千蚊付款,增值地點包括 7-11便利店及 HKT、csl 及 1010 門市。

    呢個 Tap&Go 服務,更支援用家之間嘅轉帳功能。用家可以隨時轉帳至專屬戶口,而戶口與戶口之間,更可以轉帳,每日最高一萬蚊。今次 HKT 亦跟大新銀行合作,可以與大新嘅 MasterCard 信用卡作連繫扣數及掛帳,做到真正信用卡功能。

    即日起,csl. 及 1010 用家,可以免費登記及換領呢張 SIM 卡。HKT 嘅 Tap&Go SIM 卡是對應支援 NFC 嘅手機,包括大部份嘅 LG、Sony、Samsung 及 HTC 主打型號。而部份支援八達通 SIM 卡嘅手機,更可以二合為一,Tap&Go 與八達通功能同時擁有。 

    ​csl 用家即玩 Tap&Go!  唔駛指定銀行,手機即變信用卡

    ​csl 用家即玩 Tap&Go!  唔駛指定銀行,手機即變信用卡
    ▲ 今次 csl. 嘅 Tap&Go 流動支付服務,一圖睇晒點樣玩。

    ​csl 用家即玩 Tap&Go!  唔駛指定銀行,手機即變信用卡
    ▲ 除了流動付款,用家亦可以在戶口間作轉帳。


    ​csl 用家即玩 Tap&Go!  唔駛指定銀行,手機即變信用卡
    ▲ Tap&Go 透過 Master PayPass 作交易平台,上面嘅商戶已經支援了。

    參考網站:www.tapngo.com.hk
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁