新 10GB 無限數據 Plan 平玩 csl. 網絡,版主同你格:係咪真抵玩?

左定坤 (Cho Ting Kwan) 2017-08-09 21:48 | Csl
之前流行 5GB 21M Plan,曾經同版主 Keith 討論過,到底呢個 Plan 其實係咪抵玩呢?版主 Keith 就話:咁就要睇下 5GB 夠唔夠你每個月用,如果 5GB 夠用的話,咁就真係抵,但如果唔係喎,你係高用量用家,個個月都用爆 Data 嘅話,其實唔抵,因為當你跌落 128kbps 地獄速,就基本上好多網都上唔到,反而如果你係高用量用家的話,真無限 3G 數據仲會抵玩啲𠻹,起碼唔會突然慢到上唔到網。不過,假如個上限提升到 10GB 的話,你又覺得用唔用得過呢?最近出現了一個新 10GB 無限數據 Plan,係用 csl. 網絡的,又係咪真抵玩?

CTExcel(Facebook).jpg

說的是中國電信 CTExcel,其實中國電信會殺入香港,並不是一件新鮮的事,呢個消息一早已經知道,不過是一直沒有消息,知道佢哋會出乜嘢 Plan。但今日再睇官網,發現 CTExcel 更新了「手機及服務計劃」的內容,不過暫時見到的,是專為學生而設的「大專生本地流動通訊計劃」,仲要寫到明係「特別推廣優惠,不容錯過」。講到咁特別,版主當然要仔細看看,到底是乜料子,有幾抵啦!點知,原來係有伏!下面詳細話你知:

伏點 001: 42M 月費價錢貴過對手全速 Plan?

不看猶可,睇完之後真係 O 左嘴,到底係因為 CTExcel 用上 csl. 網絡,戴上了「王者光環」,抑或是中國電信根本沒有事先調查清楚對手做緊乜嘢價呢?計劃有分「輕量級」以及「重量級」,前者是為低用量的人士而設,有 5GB 42M 可用,其後限速至 128kbps,而後者則為較高用量的人士而設,有 10GB 42M 可用,其後限速。但無論是「輕量級」抑或「重量級」,優惠完之後都是比對手的「非學生 + 全速 Plan」還要貴。

Screen Shot 2017-08-09 at 9.42.17 PM.png

5GB 月費計劃比拼
  中國電信 CTExcel
大專生 Plan
HKBN SUN Mobile CMHK 中國聯通
月費 原價 $148,優惠價:$128 $78 $78 $78 $90
行政費 $18 $18 $18 $18 (街站可免) /
網絡速度 42Mbps 21Mbps 21Mbps 21Mbps 21Mbps
合約期 (月) 12 24 24 24 24
▲ 無錯係呀,中國電信 CTExcel 速度上好似比其他網絡商快啲啲,而且只需簽約 12 個月,但大專 Plan 居然比起其他網絡商的非學生 Plan 還要貴?還有就是,別忘記 CMHK、中國聯通本身都有學生 Plan,中國電信呢個 Plan 已經貴過哂 CMHK 嘅 10GB Plan 以及中國聯通嘅 8.5GB Plan,咁點解要揀佢呢?

10GB 月費計劃比拼
  中國電信 CTExcel
大專生 Plan
CMHK
學生 Plan
中國聯通
月費 原價 $248,優惠價:$238 $108 $188
行政費 $18 $18 /
網絡速度 42Mbps 21Mbps 全速
合約期 (月) 12 24 24
▲ 玩到 10GB Plan 嘅網絡商,其實又唔係好多,本來 HKBN 都有推出,但好快就被叫停,反而中國聯通後期就有出 $188 / 10GB Plan。而 CMHK 就要學生 Plan ,先至有 10GB 21M 數據,而且玩到 $108,平過 CTExcel 超過一倍。就算唔係學生 Plan,CMHK 本身個 $198 12GB Plan,都仲係抵過 CTExcel,一比之下,到底有甚麼理由要用 CTExcel 呢?

伏點 002: iPhone 剋星!?唔支持 Facetime + iMessage,不提供數據漫遊及話音漫遊服務

留意埋中國電信 Excel 的細則,有兩點係相當值得注意的:

i) 由於流動裝置之配置,此「大專生本地流動通訊計劃」並不支援 iOS 之 Facetime 及 iMessage。
ii) 此「大專生本地流動通訊計劃」暫未提供數據漫遊及話音漫遊服務。


點解咁值得注意?第一點對於版主我自己來說,就唔算話特別重要,因為我身邊唔係太多熟人用 iPhone,所以我本身都無乜會用 Facetime 同 iMessage,不過版主 Keith 就表示,其實都有唔少人會用 Facetime,所以其實唔可以話完全唔重要。至於第二點呢?無數據漫遊都唔係話最重要,最重要的應該是「話音漫遊服務」,其實出到國外,有時候都需要收 SMS 訊息,可能要做一些驗證之類的東西。如果你無「話音漫遊服務」,即係變相你去到外地,連 SMS 都收唔到,有時候都會幾麻煩。

Features-of-Facetime-for-PC.png

睇完以上兩點,你又覺得中國電信 CTExcel,值唔值得去試用呢?留言討論下啦!
 

最新新聞