說的是電訊數碼 SUN Mobile，如果最近有行過門市，應該會見到多了一個新的優惠牌，寫住「指定現有客戶優惠 + $68 數據盡情隨意玩」。由即日起只要你係 SUN Mobile $78 5GB 21M 現有客戶，就可以每月加多 $68，再重新簽訂 12 個月合約，享有真無限 21M 數據。雖然唔係全速，但相信對於大部份網友來說，21M 已經相當夠用。
淨係得現有客戶先有優惠？咁新客戶又可唔可以 Join 呢個 Plan？版主問過：得！如果你係由香港寬頻 HKBN / SmarTone 轉台過去 SUN Mobile，就可以即時申請到 SUN Mobile 呢個 Plan；但如果唔係的話，就會相對麻煩啲，你要先求其 Join 一個 Plan，再等一日時間，一日後再去多次門市重新簽訂合約，咁就可以用 $164 呢個價錢享宜無限 21M 數據。
$164，其實一點也不貴，對比起 HKBN 來說，今舖 SUN Mobile 真係平幾條街！網友又會否考慮用呢個 Plan 呢？