csl. 劈價!4.5G 全速無限上網!二百蚊有找!

Keith Yim 2018-06-11 15:09 | Csl
一直有話網絡商月費減價戰係 HKBN 引爆,但版主覺得,真係減得勁,減得狂係 csl. ! 先講 21Mbps 速度無限上網,係由 csl. 旗下 Sun Mobile 帶起!$164 是標準價,之後其他人跟,都係 164 左右上落 (呢到有首次 Sun Mobile 劈無限上網價消息)!csl. 仲瘋狂!以為 CMHK $226 4.5G 無限上網最抵?非也!csl. 開出 $180 連行政費!

csl01-fb.jpg

csl. 劈無限上網手機月費
有留意開手機月費,都見到 csl. 嘅 sales 呢排好忙!唔知係咪 PCCW 集團旗下有世界盃獨家播放權,呢頭係 nowTV 收八百幾蚊套餐價,呢到叫人上手機台,送埋 now E 戶口任睇世界盃 64 場!最瘋狂係手機台月費無因此加價,仲要減價引你上台兼睇埋世界盃!

「是咁的,呢排無論 csl. Facebook、Telegram、街霸都 Sell 緊呢個 Plan
$180 每月數據盡情任用,仲包 64 場世界盃手機電視同步睇。」


咁即係點,點樣上台?版主教你

001:呢個 Plan 係由 $298 蚊 / 6GB 計劃變出來,但減幅好驚人,最後簽廿四個月合約,會變為 $180 包行政費,即係埋單 $180 就包全套增值服務、無限 WiFi、及無限本地通話。而數據就係 4.5G 全速,6GB 用量  FUP 後不限速無限上網。

002:呢個 Plan 兩種客戶可以申請。1)香港寬頻手機/寬頻台轉台客;2)i-Cable
寬頻轉台客 3同時申請埋 The Club 會員。新 Number 同舊 Number 都可以。

003:咁其他網絡商過台得唔得?得,例如你係由 3HK、SmarTone 或 CMHK 過台,都有類似優惠,只係月費會貴 $10,埋單連行政費會係 $190,都係比 CMHK 同類計劃平。

004:申請個陣,記得帶你之前的網絡商/手機台嘅月結單及終止服務合約確認信。

005:簽廿四個月合約。

006:呢個優惠做到 7 月 15 日架咋,會否繼續,暫時未知。

007:世界盃佢地會以 Now E 提供服務?乜叫 Now E?Click 呢到就知。佢地會提供 Android TV 機頂盒版本,亦送埋 App 版,即係,64 場世界盃,你可以係手機、電腦、平板電腦,甚至是電視機都睇到。跟 now TV 唔同嘅係,now E 無 4K 版本選擇,同埋 Android TV 要駁住家中嘅寬頻先睇得到!

008: now E 機頂盒係送的,不用簽約,之後你可以當佢係 Android TV 咁用。


009:點申請?其實門市、街霸、Facebook、Telegram 嘅 csl. Sales 都全力推介中。

csl02.jpg

資料來源及鳴謝:Telegram @PccwTommyInfo / csl. 門市職員

最新新聞