主題:迫你用手機數據!csl. WiFi 改制 免費 Wi-Fi 難用度提高

ePrice HK
  • 發表時間:2018-07-10 20:25 收錄檢舉
    雖然家陣無限上網平咗好多,21Mbps 無限上網,csl. 旗下 Sun Mobile,最平係 $118 月費就用得到!但仲有一班合約未到期,仲用緊又貴又少 Data 嘅舊 Plan 用戶;當然仲有一班連手機上網月費都俾唔起,或者唔想俾嘅友,可能用 csl. 儲值卡送嘅免費 WiFi 戶口,係全港 WiFi 熱點上網,慳得一蚊,得一蚊。不過,版主發現,最近 csl. 改制!月費用戶、儲值卡用戶連入 csl. WiFi 熱點難度高咗,簡直係唔想俾你用,迫你改用手機上網咁,即係要你俾月費!邊啲網友會較容易受到影響?睇下文啦!

    迫你用手機數據!csl. WiFi 改制 免費 Wi-Fi 難用度提高
     

    csl. WiFi 即日改登入機制

    csl. WiFi 可以講係全港最大嘅 WiFi 網絡,因為大部份嘅商場,兩大咖啡連鎖店,最重要係九巴、港鐵,大部份 PCCW 電話亭都有 WiFi 網絡,比起 HGC 及 HKBN 嘅 Y5Zone 都要有更好嘅覆蓋。而一直 csl. 嘅月費計劃、儲值卡嘅最大賣點,都係送免費 WiFi 任用。

    要連入 csl. WiFi,本來就係輸入手機號碼及事前設定密碼就 OK,基本上,SIM 卡唔駛一定插係手機,對於用平價儲值卡,就係貪佢嘅免費 WiFi 網絡,都係好方便,甚至可以 Share 俾親友用。N 年前版主 Eddie 仲在的時候,曾經教過網友唔使上台超平無限任用 PCCW Wi-Fi 的終極方法,都係用幾十蚊用半年免費 WiFi,雖然今日比較貴,但都會抵過用自由鳥嘅 $48 無限上網計劃

    「不過,即日起,csl. WiFi 更改登入機制,登入介面除了要輸入電話號碼,事前設定的登入密碼,仲要加入即場 SMS 認證,即係你張 csl. SIM 一定要係一部開著嘅手機裡面,接收呢個 SMS 認證。

    本來用開平價儲值卡,只想用佢地免費WiFi 戶口,要插埋張卡係手機,真係麻煩咗,而親友間亦唔可以再咁容易 Share WiFi 戶口。」


    迫你用手機數據!csl. WiFi 改制 免費 Wi-Fi 難用度提高

    如果你平時根本唔會用張 SIM,純粹係用佢地免費 Wi-Fi 戶口,而家要收 SMS 係一件好麻煩的事。一係你就要特登換 SIM,一係你就要有多部電話,去放你張 SIM 黎收 SMS,兩個都唔係方便的辦法。

    簡單來講,csl. 係迫你唔好用咁多 WiFi,齊齊用手機上網!

    網友們,你哋點睇?
     

    平價數據 Plan 相關文章

    反擊 3HK,csl. 又劈價!旗下 SUN Mobile 高速無限上網減價 28%
    版主話你知:自由鳥終止 $38 Plan 真正原因,居然是......!?
    秒殺 SUN Mobile!3HK 高速真無限上網 創最低價
    csl. 劈價!4.5G 全速無限上網!二百蚊有找!
    CMHK 中國移動香港出招! 4.5G 全速 20GB FUP 無限數據月費只需$168
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁