開期票 出口術:335Mbps 4G 速度快過 csl.
係和記電訊香港嘅業績傳媒簡報,流動通訊部份重點形容和記電訊香港 4G LTE 擁有三組頻段,包括 1800、2600 及 2300 頻段。呢三個頻段,1800 與 2600 部份就係今日大家用到的和記 4G LTE 網絡,屬於 FD-LTE 制式,當中以室外覆蓋為主 2600 頻譄是與 HKT (即 csl. ) 共用。2300 頻段,屬於 TD-LTE 制式,對應中國大陸中國移動室內採用嘅 4G TD-LTE 網絡頻段。TD-LTE 2300 頻段,其實中國移動香港 CMHK 早已全網開通,基本上,去大店買手機,寫住中港 4G 手機 (除左 HTC One M8) 都可以接通。
和記電訊今次表明,2015 年內會開通 2300 TD-LTE 頻段,更會將三個頻段,利用 FDD 及 TDD 雙制式作頻譜聚合(carrier aggregation)會係未來提供高達 335Mbps 的4G 流動數據服務。不過咁,呢張真係一張大期票,2300 頻段都未開通,而版主 Search 過, FDD 及 TDD 雙制式 carrier aggregation 仲測試緊,幾時可以商用,到底幾時香港人用到 335Mbps 高速手機上網 ? 如果 2015 年用到,真係開香檳。
另外,版主也收到風 2600 與 1800 頻段的 carrier aggregation,或者對台講嘅 LTE-A,3 香港也會做到,只係因為 1800 頻譜量唔及對家 HKT 與 CSL 合拼嘅新 csl. , 做唔到 300 速!3 香港想要追過 csl. 講出來的嘅理論最高上網速度,三個字:等下啦。
踢走低用量客 再賺八億
當然,網友會話,上網幾快都無用,無咗無限上網,話咁快,什麼 6GB - 10GB 用量,話咁好快用晒。根據今日蘋果日報報導,去年 3 香港取消月費一百蚊以下嘅限速任用數據計劃,導致期內客戶數目由三百八十萬戶,降至三百二十萬戶,但因為上年加過幾次價,全年 ARPU (每客戶平均收入) 升四蚊至 HK$205,和記電訊香港盈利,由 2014 年上半年跌 44%,收窄至全年跌 9%。注意係,雖然係盈利下跌,但都賺八億三千萬元。跌走低用量客,全年賺八億,唔夠富貴嘅網友,你會點揀網絡商?此外,3 香港高層亦承認 4G 用家數據量越用越多,相信一年後,平均客人用量超過 3GB,即係有一半用家係多過 3GB 每月用量。
▲係和記電訊香港業積公佈嘅時侯,和電香港營運總裁陳婉真舉起了 Nexus 6 ,就版主所知道亦是 3HK 網絡商獨家賣 Nexus 6 。注意嘅係,Nexus 6 本身唔支援 3 香港講明今年打通 2300 頻段,由此可見,佢地暫時都唔會重視加開頻段擴容,莫講 Carrier Aggregation 335 乜乜乜啦。