第二代 Chromecast 到港，3HK 門市會賣！
今次 3HK 送的 Chromecast 其實係新一代的產品，係 15 年 9 月尾正式發佈，而 Google 已係香港正式推出 (按入即睇資料) 。而家再簡單講下 Chromecast 有甚麼用途。作為一個媒體串流播放裝置， Chromecast 作用當然係，將多媒體內容、遊戲等以串流方式在電視上播放。作為第二代產品， Chreomcast 除左係外型設計上有所不同，最緊要係有更快的串流速度，除左支援 5GHz 802.11ac Wi-Fi ，同時內置三條天線都比起只得一條的 Chromecast 一代多。內容方面， Chromecast 而家已經到左一個頗為成熟的階段，唔少大家有用的 apps 好似 KKBox 、 Netflix 都已經支援可以用到，價錢方面如果單買的話就要 $349。當然 3HK 係會有優惠啦，以下再講！
▲Chromecast 同樣係 3HK 門市可以買到，價錢係 $349。
上台／續約免費送，但係寬頻 Plan 又會不會更抵？
今次 3HK 送 Chromecast 的模式就無之前派 SIM 卡咁「順攤」了，係要上台先會送的。新客戶需要選用 6GB 或以上的手機／SIM 月費計劃，或者選用「智家 Fun」月費計劃，就會免費送一個 Chromecast。如果唔想用 6GB 用量又想要 Chromecast 的話，要留意 2.5GB 或者 1GB 月費計劃一定要係「買機上台」，而且分別要加簽一個月及 2 個月的合約了。（當然，現有客戶續約一樣會送）另外，今次送 Chromecast 又不限於 4G 客戶嘅。 3 同樣會係家居寬頻 Plan 「全家 Super Fun」娛樂組合之中，送出 Google Chromecast ，以下就係詳細資料。唔知大家又覺得抵唔抵呢？留言講講吧！
▲3HK 提到，如果要送 Chromecast，選用 4G LTE SIM 月費計劃 6GB 或以上就會即送。
▲要留意，如果選用 1GB 或者 2.5GB 用量，就一定要揀「出機上台月費計劃」，而且 1GB Plan 要加長 2 個月合約，而 2.5GB Plan 就要加 1 個月合約
按呢到，就會知道，若果你要單買 Chormecast ，唔上台嘅話，要點樣做。