唔駛預繳堅送手機
有留意嘅話，大部份網絡商嘅零機價上台計劃，其實係有點揾笨。首先要你預繳機價，仲要跟一個比 SIM 上台貴好多嘅計劃。不過，今次 3 香港嘅送手機優惠，用番佢地嘅正速 4G LTE 帶機上台計劃，用家更加唔駛預繳手機機價。簽紙 24 個月合約，就可以帶走一部 4G LTE 手機。除左送機，今次還會送你一倍數據用量。不過咁，呢一倍用係大台 Apps，即係 myTV SUPER、myTV、TVB News 等 Apps 上面瀏覽及睇片。好啦，咁送嘅手機又係邊部？係 LG Sprint LTE C70！呢部機有點陌生，其實係一部 4.7 吋 HD 芒手機，行 S401 CPU 及 1GB RAM + 8GB ROM，規格入門，但反正送嘅，咪當 Pocket WiFi 咁用囉。(Click 呢到有 LG Sprint LTE C70 嘅規格)月費回贈最實際
「阿 Chur」….版主都明嘅，ePrice 網友都未必係大台 Fans，送一倍「大台」Apps 專用數據，即係無送過。所以，版主真心推介，其實係同一個推廣裡面嘅入門 4G 計劃。呢個計劃，抵就抵在有月費回贈，最多八舊水。版主計過，其中 5GB - 6GB用量係全港 4G 高速 Plan 裡面最平嘅，版主計過，廿四個月合約裡面，最平做到 $192 包埋行政費連免費 WiFi，比起 Sun Mobile $238 (一年約 6GB 數據) 及$266 (兩年約 6GB 數據) 都要平。睇到呢到，大家會問，人地 6GB，3 台得 5GB 每月用量，無得咁樣比較架喎。其實只要你 MNP 帶號轉台，呢 24 個月，每月送多 1GB 用量，就會用其他台睇齊。此外，我指高速 Plan，即係唔係 384kbps 慢速。雖然 3 香港呢個 Plan 最高速只有 21MB，但大家用開 4G 計劃都知，要去到 21MB 速度，其實好難。
呢兩個推廣計劃，另有一個賣點，就係每月加 $24 (原價 $48) 就可以有「歡樂通宵」享用，即係每晚十一點至早上七點，可以用大約 2Mbps 速度，係無 FUP 嘅情況下，無限上網。提提大家，呢兩個 Plan 係網上限定，上網先有，想上台可以 Click 呢到。
