講清講楚 Apple SIM 係乜
再講清楚 Apple SIM 係乜。Apple SIM 其實早在 2014 年 Apple 已公佈，主要在 iPad 裡面使用。包括兩個款式：用係 9.7 吋 iPad Pro Celluar 及 WiFi 版嘅 Embedded SIM 方式。即係 Apple SIM 已收埋係機身裡面，只係等軟件開啟相關係應用程式。網絡商可自行把網絡資料，跟 iPad 配對，令 iPad 可以連上網，亦可以計出收費模式。與此同時 9.7 吋 iPad Pro Celluar 及 WiFi 版亦有普通 SIM Slot。所以 Apple SIM 係 iPad Pro 裡是多一項功能，唔影響佢地用其他網絡服務。
而由 iPad Air 2 起嘅其他新款 iPad，只有一個 SIM Slot，Apple SIM 會變為實體 SIM 卡。你用上 Apple SIM，就要把你用開嘅 SIM 卡更換，例如你用嘅 csl. SIM，又想用 Apple SIM 係無可能，要二揀一。Apple SIM 本來係一個好科技，一張 SIM 內置不同網絡商嘅選擇，等你開 iPad 就有得揀不同服務，唔駛自己去門市，SIM 檔揀台揀卡，最美好嘅想像，係一張 Apple SIM 至少有齊香港咁多間網絡商，加上卡檔選擇，仲其他國家漫遊 SIM！但版主講過，蘋果其實有前科係唔俾你有得揀。以今次引入香港 Apple SIM 為例，只有拍住 3 香港網絡。若你唔係使用 iPad Pro，用 Apple SIM 等於用硬 3 香港。要 Apple SIM 會支援香港其他網絡商嗎？世事無絕對，我相信網絡商都樂於咁做，但始終要跟 Apple 談判，中間的利害關係，麻煩之處，收費之高，大家可以想像得到。
點解話 Apple SIM 搵笨
回歸正題，點解版主話 Apple SIM 搵笨。我會用其他儲值卡作比較。首先，實體 Apple SIM 要 $38 一張，但裡面一蚊面值都無! 要知道，$38 我已可以買一張 CSL Hemat 卡 (玩開 Prepaid SIM 的網友，一定知我講緊乜) ，足 $38 面值，還送你 200 通話分鐘，再加首月 1GB 數據用量! 就算唔計 Hemat，香港大部份非一卡兩號儲值卡都係封面寫幾多面值，就有幾多面值可用，唔會收你卡價的。另一方面，Apple SIM 係本地數據服務部份，只提供 3 香港選擇，搵笨事情又來了。Apple SIM 裡面嘅 3 香港 4G 數據計劃，其實對應佢地部份儲值卡，不過呢，佢地儲值卡一直做開網購優惠，係佢地官網買卡，平過係 Apple SIM 開 Pay As you go 計劃。而更好笑嘅係，3 香港嘅副品牌 Network III，版主 Keith 上年已介紹過，係八月三十一前，做緊極平嘅數據優惠，本來 ＄78 包 30 日 2GB 用量，變為 4GB 用量，但 Apple SIM 嘅 Plan 就無咁多 Option，價錢貴好多。
▲ 開啟了 Apple SIM 就會見到香港有三個供應商，AlwaysOnline 及 GigFly 係漫遊網絡商。本地嘅就只有 3 香港。3 香港提供六款上網計劃，由 2 日到 30 日選擇。其實即係對應下圖嘅六款儲值卡。
▲ 係 3 香港官網，呢六款卡，全部做緊特價。變相你係 Apple SIM 買來用，係貴左。
▲ 最過份 3 香港同係官方 Facebook 宣佈儲值卡優惠，其中 $78 換到 30 日 4GB，同樣地，比起 Apple SIM 來得平。
▲ 上面嘅優惠，適用係呢張 3 香港副品牌 SIM 卡 （留意當中 $188 / 3GB / 30 日已升級為 5GB）版主上年已試過，大家 Click 呢到可以重溫，速度好唔錯。
▲ 昨天都講過，你當 Apple SIM 係漫遊 SIM 都係勁唔抵，得兩間供應商揀之餘，收費都係天價 (Click 呢度重溫）。其實就算 3 香港自己，都做緊好平嘅數據漫遊方案，$78 / $88 包全日 100MB 用量，之後限速 128kbps，適合主要亞洲及歐洲國家，大家可以 Click 呢度了解一下。3 香港用家，本來就有一個簡單應付上網查資料漫遊數據方案，何必又要揀更加貴嘅 Apple SIM ?
Click 呢度有更關於 Apple SIM 嘅討論