推八地共用數據話音計劃
仲有幾多網友，外出個陣會用網絡商嘅漫遊數據服務？相信除左可以 Claim 公司錢嘅人，大部份網友都唔會咁做，大家記得，ePrice 之前介紹過嘅 One SIM 嗎？還有不同類型嘅儲值卡！網絡商唯有從 Packaging 與收費入手。中國移動香港 CMHK 有大中華 Plan，係唔加價嘅情況下，由本港兩地共用數據，升級至中、港、台、澳門四地共用數據！數碼通亦推出「無形 WiFi 蛋」亦係平價漫遊數據，仲有首天免費使用嘅優惠。3 香港呢？就引入了集團係歐洲賣得好好嘅 3LikeHome 服務，即係一個月費，包埋外國使用嘅數據，香港版更包括埋漫遊接聽及致電漫遊本地嘅 Package。3 香港今日宣佈推出類似英國 3UK 嘅 3Like Home 香港版! 有三個不同版本，一個係 3Like Home 澳門與香港共用、另一係 3LikeHome, 一個月費八地共用，包括香港、澳門、英國、奧地利、丹麥、愛爾蘭、意大利、瑞典等八個地方。呢八國地方，月費包括嘅數據係共用嘅，而語音方面，就包括了接聽與打出漫遊地區當地電話。
▲ 呢三個係原來 3 香港提供嘅數據漫遊計劃，其實，版主之前都介紹過，另一個比較平嘅計劃，但唔知點解，佢地係今次發佈會無出來。
▲ 而 3LikeHome 吧計劃，大約係咁。
▲ 但收費真係唔平，八地共用數據及話音，收費最平 $508 起，隨時只有每月 1GB 用量。此外， 3 香港客戶都可以申請 3 日澳門數據漫遊通行證或 10 日歐洲漫遊通行證。
▲ 全新嘅通行證，也包括了接聽香港來電及打番香港嘅通話時間。