主題:打 Hemat;拼 Kabayan! $45 金紫荊 3G 真 無限上網 SIM? 

ePrice HK
  • 發表時間:2016-10-09 10:16 收錄檢舉
    版主好耐無介紹高用量嘅 SIM 卡了!記得上次玩過 Lycamobile 雖然有 10GB 限制,仲睇唔到香港視頻網站,但因為儲值方便,價錢又平,好多人都用。版主呢兩個月玩緊另一款卡,卡名比較奇怪, 叫「金紫荊金球飛無限儲值卡」,呢張卡其實唔係什麼新卡,但轉左網絡商,再加上特價,變為無限上網神器!幾平幾抵先?$45 無限上網,試過最高過 10Mbps 速度,點睇先?

    打 Hemat;拼 Kabayan! $45 金紫荊 3G 真 無限上網 SIM? 
     

    12 月底前特價 Plan

    呢張「金紫荊」係深水埗 SIM 檔一直都存在,但早兩個月版主行過深水埗地鐵站 C2 出口,向桂林街方向,信興酒樓對出個間 SIM 檔,人稱「信興姐」推介嘅,嗰陣佢寫住 3G 無限上網,可以睇片睇劇,我問佢:「係咪限速好慢嗰隻」,信興姐話:「我自己都用緊,速度係 3G,但自己睇劇都得」。版主試卡無數,都中過伏,但價錢只係 $45,咁平,就算係伏,都係一餐午飯價錢,試咗又一篇分享文,結果就買了,第二個月再買多張。「金紫荊」呢張卡,其實就係鼎鼎大名「上網通」母公司 FM Station 出品。但用過「上網通」都知,以前用未合拼之前嘅舊 PCCW 3G 網絡,不過,呢張「金紫荊」轉左了,變左用 3HK,不過,都係只能進入 3HK 嘅 3G 網絡。

    呢張卡係 2016 年 12 月 31 日前,做緊推廣,本來 $168 三十日無限上網嘅 Package,減價至 $120,即係面值 $128 嘅卡,剛剛好申請到,唔駛增值,而因為卡價其實只係 $45,變相 $45 包一個月 3G 無限上網。 呢個世界仲有無無限上網嘅儲值卡?有嘅話,都寫到好明 FUP 條件。「金紫荊」嘅 FUP 都好神奇,係咁寫嘅:

    打 Hemat;拼 Kabayan! $45 金紫荊 3G 真 無限上網 SIM? 
    ▲ 嘩,FUP 地獄速都只係 384kbps,咁若果係真 $45 一個月,抵玩喎!
    ▲ 嘩,咁即幾時限速係佢地定,可以係  500MB,亦可以係 50GB!

    咁實際又點呢?版主講講呢兩個月嘅體驗。係,無錯,呢兩個月我主力用呢張卡上網。首半個月,有帶佢四圍去,之後,就放咗係屋企,以一部廉價 Android 手機作 Tethering 手機使用,作佢係 Home Broadband 咁用。結果係點?

    打 Hemat;拼 Kabayan! $45 金紫荊 3G 真 無限上網 SIM? 
    ▲ 呢張卡面值 $128,第一張係「信興姐」到入手,$45,一個月後,發覺多了幾間深水埗 SIM 檔有售,賣價都係 $45 - $50 左右。

    打 Hemat;拼 Kabayan! $45 金紫荊 3G 真 無限上網 SIM? 
    ▲  面值 $128,但封面寫住 30 日無限數據收費係 $168 架喎! 有無中伏?


    打 Hemat;拼 Kabayan! $45 金紫荊 3G 真 無限上網 SIM? 打 Hemat;拼 Kabayan! $45 金紫荊 3G 真 無限上網 SIM? 打 Hemat;拼 Kabayan! $45 金紫荊 3G 真 無限上網 SIM? 
    ▲ 呢張卡用 USSD 開 Plan (短訊回應系統),只要按 *#1606# 就可以開 Plan,當你揀 30 日無限數據,就會發覺原來造緊特價 $120 ,咁即開到 Plan 仲有 $8 用來打電話。上網 Plan 唔止有 30 日,Daypass 都得, $30 一日。你亦可以當佢係澳門漫遊卡,100MB 用 30 日。


    打 Hemat;拼 Kabayan! $45 金紫荊 3G 真 無限上網 SIM? 打 Hemat;拼 Kabayan! $45 金紫荊 3G 真 無限上網 SIM? 打 Hemat;拼 Kabayan! $45 金紫荊 3G 真 無限上網 SIM? 
    ▲ 首半個月,帶佢出街,由 Speed test 測速軟件,可以見到,快到可以 10Mbps 左右。而第二個月,我已經當係屋企 Broadband 咁用,用到成接近 30GB!但係咪無伏,唔可以咁講。相對 Hemat 與 Kabanya,呢張「金紫荊」最高網速,係可以好高,不過最慘係唔穩定,可以突然用用下 Load 空氣,用 Speedtest 軟件去測,可以係低 Ping 環境下,連 128kbps 都無。但解決方法係你 Reboot 部手機,或斷線再連接。而係第二個月,係版主居住嘅錦田一帶室內使用,網速大約好多時大約係 1-3Mbps 左右。亦有時去到 5-6Mbps,我也很常用來睇視頻 (當然不是高清)或聽網台。而平時上網工作,係呢個半月,也是使用呢張「金紫荊」。


    打 Hemat;拼 Kabayan! $45 金紫荊 3G 真 無限上網 SIM? 
    ▲ 呢張「金紫荊」其實功能多多,例如可以變身新加坡數據漫遊卡。呢張卡,係唔駛增值情況下,開到 5 日新加坡無限上網,比起中國聯通新加坡 5 日數據卡平好多。


    打 Hemat;拼 Kabayan! $45 金紫荊 3G 真 無限上網 SIM? 
    ▲  而係新加坡、澳門,仲可以打本地電話 $0.5 一分鐘,打番香港或接聽 $0.95  一分鐘!
     

    平價限速無限上網 SIM 比拼 

     
      CSL Hemat CMHK Kabayan 金紫荊
    SIM 賣價 $38 $38 $45- $50
    SIM 面值 $38 $38 $128
    使用網絡 csl CMHK 3HK
    任用上網計劃 $98 / 30日 $68 / 30日 $118 / 30日
    官方列明速度 3G / 384kbps 3G / 384kbps 沒有
    實際最高速度 3G : 最高3.6Mbps
    4G : 最高 0.8Mbps
    3G : 最高 1Mbps
    4G : 最高 1Mbps
    3G: 最高 10Mbps
    FUP 6GB 後可能限速至 128kbps 無列明 由其公司制定,限速後不低於 384kbps
    購賣地點 中環、銅鑼灣電話直銷中心 CMHK 門市 深水埗 SIM 檔
     
    結論:我轉用了 Kabayan
    用了兩個月之後,我會覺得呢個世界,真係一分錢,一分貨!市面上,真正做到限速無限上網,又唔會慘到得 384kbps 或以下,應該得呢三張儲值卡,質素與價錢,全部成正比的。我會覺得 CMHK Kabayan 係最穩定,係 4G 網絡 1Mbps 環境下,係最順暢。當然,1Mbps 網速,高清視頻係做唔到,而 Kabayan 亦無 Nano SIM 提供。csl hemat 係 3G 環境下,有 3.6mbps 速度,可以支援到 720p 甚至 1080p 視頻!「金紫荊」可能有好高速,但不穩定,但勝在最平,要一蚊一蚊咁計嘅用家,呢張真係最抵!最後,呢三張卡採用三個不同網絡商,呢個都係大家要考慮之一,就算我話 Kabayan 好好,但你在地地方,跟本係 CMHK 不 Friendly,咁幾好都無用。

    更多抵玩儲值卡推介:
    儲值神卡! Lycamobile 進軍香港 $68 / 10GB 極速上網
    低用量新選擇!每月 $ 21 / 850MB!Network III 360 日 10GB卡登​場
    可帶號碼 MNP 轉台! 每月$16 包通話、上網! 華龍 4G 一年電話卡 評測​
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁