3HK 輕簡數據日費 $78 起
3 香港嘅客戶，即日起，可以享用「3Roam Lite」係中國、澳門、日本、新加坡、韓國、台灣、泰國、英國、法國、德國及希臘等旅遊熱點，以一百蚊有找嘅價錢，每日無限上網。歐洲地區日費為$88，而亞太地區的日費則為$78。不過呢個每日無限上網，係有 FUP，當每日數據用量達到 100MB 後，漫遊數據服務可繼續使用，然而數據速度將被調整至不高於 128kbps 至香港時間當日23:59為止。無限上網亦適用於網絡分享。
▲ 3HK 嘅「3Roam Lite」支援國家及地區。
3UK 最長用半年
呢邊箱，3HK 為佢地嘅上台客推出「3Roam Lite」平價 100MB FUP 每日無限漫遊；那邊箱，深水埗出現 3UK 漫遊卡。無錯，唔係 3HK，係 3UK，英國 3 出品，不單可以係英國使用，仲可以係香港、澳門及不少歐洲、澳洲甚至美國使用。佢唔係用日費扣費，係有 1GB (用 30 日) 與 3GB (用 90 日) 選擇。1GB 大約賣 $150，3GB 賣 $280。3G 賣 $280 用三個月，係香港又用到，其實又唔係貴喎。
3UK SIM : 適用國家：澳洲、奧地利、比利時、保加利亞、克羅地亞、塞浦路斯、捷克、丹麥、愛沙尼亞、芬蘭、法國、德國、直布羅陀、希臘、格恩西島、香港、匈牙利、冰島、印尼、英國屬地曼島、以色列、意大利、澤西島、拉脫維亞、列支敦士登、立陶宛、盧森堡、澳門、馬爾他、荷蘭、紐西蘭、挪威、波蘭、葡萄牙、愛爾蘭、羅馬尼亞、斯洛伐克、斯洛文尼亞、西班牙、斯里蘭卡、瑞典、瑞士、英國、美國。