講緊嘅係 3HK，最新推出一個 $58 的服務計劃 (另需付 $18 行政費)，有無限數據 + 3000 分鐘通話時間，仲包全套 VAS 服務。不過係 3G 上網，對網速要求不高、唔係用來睇片打機的網友來說，應該都夠用。雖然在海報上係寫住「最高下載速度為 384kbps」，無講有限速，但版主問過 3HK 職員，確定 5GB 後會跌到 128kbps 地獄速。(22/4 11:07 修正: 後來經 3HK 職員再確認一下，得悉是真正無限，即全程 384kbps) 要注意的是，在 3HK 門市係見唔到呢個 Plan 的，今次 3HK 同豐澤合作，由即日起至 5 月 31 日，要去豐澤門市申請，先可以享有這個優惠。
心水清的網友，可能會發現，其實呢個 $58 Plan，根本就是 3HK 本身的 $88 3G Lite SIM 服務計劃，一模一樣，只不過係在優惠期內，有每月 $30 的回贈。你可能會問，其實如果搵 3HK telesales，都一樣做到 $58 呢個價錢 (另需 + $18 行政費)，咁有乜必要去豐澤上台呢？係嘅，不過咁，只要在優惠期內去豐澤上台，開新號碼會額外免 3 個月行政費，而攜號轉台則會免 6 個月行政費，計番上黎平均月費只需 $67，相比 telesales 仲要便宜，你又會唔會考慮呢？