3 香港即日推出[自遊數據王]，呢個漫遊計劃，跟以前以日計算不同，係用量計的，分為[大中華]，[歐洲]，[亞太區] 及[美加]四個地區。只要俾 $78 蚊，就可以用 14 日，不過只有共 200MB，其實用來收 WhatsApp，Facebook 還可以嘅。當然 200MB 又太少了，你都可以用 $198，申請 2GB 數據，同樣用 14 日。你問版主，其實大中華區就唔係好抵，但勝在唔駛轉 SIM 卡，都有少少用量。注意，3HK 嘅中國大陸漫遊 Partner 係中國聯通，佢地用 FDD-LTE，適合大部份香港嘅 4G 手機，就算用番 3G 都係用 WCDMA 制式，唔似得中國移動一定要用 TDD-LTE 手機。若果講抵，美加及歐洲地區係比較抵用，版主同你格過價，深水埗最近有張國際漫遊SIM, $100 先有 1GB，用 15 日。加陣係九月底前送左 2GB，咁駛乜仲要買張卡，係咪先！
▲ 版主問過 3HK，佢地話暫時未收過漫遊客戶係中國大陸收唔到 WhatsApp 嘅問題，咁大家返大陸可以放心跟朋友聯絡。與此同時，$198 包 14 日 2GB 漫遊數據，係推廣來，9 月 30 日之後，有機會變番 1GB。
▲ 用手機打 Code 就可以申請，仲寫明支援 Tethering。
▲ 其實 3HK 月費客，都可以用歐洲漫 Pass，除了係無限上網外，仲要包埋打電話返香港！
▲ 除左有新漫遊計劃，都有以上嘅推廣。