是咁的，今日 3 香港公佈最新帶 Number 轉台 (MNP) SIM Only 優惠，基本上，月費無變。以大家最關心嘅全速 4.5G 全速無限上網計劃，都係舊價 $288 加 $18 行政費。呢個價，無乜驚喜，因為只係貼近數碼通與 csl. 同類優惠嘅月費。
不過，佢地出呢招：送中港澳三地共用數據 ＋三地無限任用 WhatsApp + WeChat。
係合約期內，除左香港不限速 4.5G 無限上網外，更加送 2GB 中國大陸及澳門數據 (全期 24 個月合約)。係澳門，3 香港當然會用番 3 澳門。係中國大陸， 3 香港會用中國聯通 4G 網絡。由於中國聯通主打 4G FDD 1800 頻段，3G 制式亦跟香港一樣，相信大部份中高低檔 4G 手機，都可用得到。與此同時，3 香港亦會免去你係中、港、澳三地用 WhatsApp 同 WeChat 嘅數據量收費，包括文字、相片、短片分享，等大家返大陸，去澳門都可以放心同朋友 Share 相片，或者用 WhatApp Call （免12個月，但合約期為 24 個月)。
按這裡有更詳細資料