最近接二連三有不少網友投訴，表示 Lycamobile 出現咗問題，用唔到。於是乎，版主就打電話去 Hotline，了解一下實際情況。以下為版主跟客服的對話內容：
| 版主：你好呀，其實我係幫朋友問架，佢同我講唔知做咩最近張 Lycamobile 卡好似用唔到，想了解一下到底發生咩嘢事。 客服：你好呀...... 其實呢我都係前兩日收到通知呢，我哋 Lycamobile 因為「第三方」的原因，所以未能提供服務...... 版主：「第三方」原因？即係點呀？ 客服：Er...... 因為呢我哋係租其他網絡商的網絡，即係和記啦，因為某啲原因所以導致無法再提供服務...... 版主：哦哦......明白，咁而家我個朋友用緊你哋，可以點做？ 客服：我哋會安排退款俾返你朋友，可以叫你朋友打電話上黎，登記返啲資料，我哋會喺電腦 check 下你張 SIM 仲有幾多餘額，我哋會用支票形式將支票寄返去你住宅。 版主：咁我想問下呢，咁如果想 Keep 返住個電話號碼，係咪一定要轉返去 3HK？ 客服：唔一定嘅，你轉去邊度都得......不過暫時唔能夠轉走住呀......因為我哋公司仲同 3HK 果邊商討緊，要等商討完之後先可以轉走呀...... 版主：咦，咁如果我朋友而家搞咗退款，之後仲有無得轉走架？ 客服：可以呀，但如果調返轉你轉走咗先，我哋電腦就無哂記錄，到時就無辦法退款喇...... |
版主問了電訊業內人士，
今次 Lycamobile 熄機事件，唔關 3HK 事
因為若果 3HK 無故熄機，係會俾政苦罰款的。消息人士指出，3HK 「跟本未收過 Lycamobile 會停止服務通知」。版主亦打聽到，今次是 Lycamobile 突然及主動停止服務，與「第三方」無關。
不過，據 OFCA 業務守則的規定，網絡宿主 (即係 3HK) ，最後有責任要收番「租台」但沒有服務可用嘅客，俾佢哋帶號轉去 3HK。但客服都講到啦，暫時未有安排，要等 Lycamobile 同 3HK 傾好之後，先至能夠 MNP 轉走號碼。
但消息人士提到「根本 Lycamobile 未聯聯過宿主網絡商，有關號碼轉台之事，未有商討過」。
亦即係話，如果你係用緊 Lycamobile 做主號的話，你就可能會人間蒸發一段時間了......
▲ 可以留意的是，佢哋網站仲未死的，但有用 Lycamobile 的版主 Keith 表示: 戶口服務死哂。另外，都要提提大家，如果你經過 7 仔、OK 等地方，見到仲有 Lycamobile 儲值卡，都千祈唔好再買了！
唔知用緊 Lycamobile 的網友，又有咩嘢疑問，或者有咩嘢想講呢？歡迎留言講下啦！
更新：同日晚上 OFCA 通訊辦亦發文，確定受影響 Lycamobile 用家可 MNP 攜號轉台