評測 3HK Net+ 比拼 1010! 打破 FUP 真無限上網救星?

Mak Chi Ho, Danny 2019-12-20 19:31 | 3 香港
相信唔少網友都用緊手機無限上網,大家都會好了解,香港基本上係無真正無限上網架!尤其正速 Plan,都會喺你用爆幾多 GB 後,進入 FUP 地帶。網絡商無話限速,都會要你排上網先後次序。結果,大家上網好容易用到窒窒下!有無方法解決?用錢就得!3HK 最近推出 Net+ 服務,講明係 FUP 環境下,你嘅上網優先次序會排得好前,上網速度仲要平同時間及地點嘅人快兩倍!係咪真?我哋試咗,同場有埋出名月費好貴嘅 csl. 1010 SIM 卡作比拼。

3HK-fb.jpg
 

解構 3HK Net+

講 3HK Net+ 之前,要講下 FUP。FUP 即係 Fair Usage Policy 公平使用政策。我知好多網友覺得,俾得無限上網我用,我用爆佢,對我最公平。但係網絡設定上,係無呢回事。先唔講係咪真限速,當勁多人上網,都要有條界線去分配上網線畀邊個用先。

係無限上網嘅環境,你越用得多,越排得後。老實講,咁先係對全部手機網絡用家最公平。不過,係現實世界,用錢係可以解決問題,3HK 嘅 Net+ 就係用錢去解決 FUP 排先後次序呢個問題。

3HK 嘅正常 4.5G 速度計劃,本來係正常月費加 $58 就可以變 FUP 無限上網。以最近下圖最新推廣嘅計劃為例,本來每個月得 25GB 用量,會提升至 FUP 無限上網,即係用爆咗 25GB,會變到咁:

「本地數據服務仍可繼續使用,惟於下一個賬單日前客戶所享用的網絡資源將因應網絡情況而分配會較少,數據服務體驗或會受到影響」

Screenshot 2019-12-20 at 8.26.32 PM.png


咁若果要加埋 Net+,個 add-on 增值服務會變咗 $98,你手機上網嘅資源分配會變咗:

「將獲分配較多網絡資源及提高使用網絡之優先次序,從而提升你的流動數據體驗。」

Screenshot 2019-12-20 at 8.26.04 PM.png

而根據 3 香港嘅網頁資料,大約會比其他 3 香港用戶快兩倍。係咪咁好?測試下先知。版主用咗自己嘅 csl 1010 SIM 卡做對比。呢張係無限上網嘅,但進入咗 FUP 即係網絡資源使用可能比較差嘅嘅階段。到底,俾多咗錢嘅 3HK Net+ 無限上網卡,比起進入咗 FUP 嘅 csl. 1010 卡比較,係咪正好多?下面條片,話你知。


 

總括來講,版主有以下幾個發現:

001: 3HK Net+ 唔代表你係用咗呢個 Plan 永遠都有高速表現,只係唔會一陣高,一陣低,相對比較穩定。

002:試網絡,唔一定只睇 Speedtest,因為你用手機,都唔會只係跑 Speedtest。老實講,係某D 港鐵站,邊間網絡商上網點都快唔到,好似我喺鑽石山地鐵站月台,無論 3HK 又好,csl 1010 都好,都係得幾 Mbps 速度。不過咁,3HK Net+ 張 SIM 就唔會出現無啦啦「Load Air」嘅情況,順利播晒成條 1080p 片,相比 csl. 1010 咁貴月費嘅台,lack 到九彩!


現實來講,3HK Net+ 係令你上網比較穩定,快人哋 2 倍呢部份就好難測試到。但版主發現 3HK Net+ 卡,至少唔會 Load Air,睇片唔會再 Lack 已經係好好,你又肯唔肯俾多少少錢用埋 Net+?

其實呢,3HK 某 D Plan 都送 Net+,大家可以 Click 番呢到 Look Look

最新新聞