▲ 紅米 2(左) 及小米 4i(右)
中國移動香港推小米手機優惠
我們係中國移動香港的網站留意到一個新的優惠,就係用指定月費可以用 $0 機價出紅米 2 或者以 $699 機價出小米 4i 。對比過月費,無論是2.5GB、6GB或是10GB 月費都和中國移動香港「帶機上台」的 4G Pro 月費相差 $20 ,而在 24 個月月費總支出係比多 $480 。換句話說相對於「帶機上台」多 $480 就可以換走一部紅米 2 比起小米網站 $899 平 $419 架!紅米 2 賣點係咩?本身已係一部性價比好高嘅4G LTE 雙卡手機,採用 4.7 吋的 720 x 1280 HD 解像度屏幕、Qualcomm S410 1.2GHz 四核 64bit 處理器、1GB RAM 、8GB ROM ,相機方面是 800 萬像素主鏡頭與 200 萬像素前鏡頭,內置 2200mAh 電池,頻段方面則支援香港的 1800 + 2600MHz 。
中國移動香港同時有做小米 4i 上台推廣,上台只需付 $699 優惠價,以上面帶機上台與小米手機上台優惠月費比較公式計算,用家付出 4i 實際只係俾 $1179,都係比係小米網站買機便宜。小米 4i 用上 Qualcomm S615 八核心處理器,效能比紅米 2 更好。小米4i 亦有 5 吋 Full HD 屏幕、千三萬後置相機與五百萬前置相機。電池容量為 3120mAH,比起部份旗艦手機都要大。
中國移動香港紅米 2、小米 4i 10GB 上台計劃,額外用量都最抵
一如前文所講,呢個優惠,好適合本來已打算去中國移動香港上台嘅網友,問題就係,點解要揀佢先?其實坊間有紅米 2 與小米 4i 上台優惠嘅網絡商不多,除了中國移動香港就係另一間「C」記台。紅米 2 上台優惠已完勝「C」記,就算是比較新款嘅小米 4i,中國移動香港的 10GB 月費及出機總支出都比起「C」記對手便宜好多,額外數據收費 $30/1GB 亦相比對手 $50/1GB 便宜。在此一提,中國移動香港本身有一個叫「2cm 交易平台」是給予 4G 用家用作買賣同台本地數據,之前我們都介紹過,若果你唔夠 Data 用,可以透過 「2cm 交易平台」 向其他中國移動香港買數據用量,根據之前觀察,最平 HK$19 入到 1GB 用量,比起本來 $30/1GB 都要平。相反,若你有數據用唔完,亦可以透過呢個平台賣俾其他人同台用家,用來扣減當月月費。「2cm 交易平台」點樣運作,有乜好處,優惠期都幾時,可以 Click 番呢篇文章介紹。
機價 | 月費 (*) |
用量 | 優惠價出機總支出 (#) | 原帶機上台總支出 (&) |
相差 (@) | |
紅米 2 出機月費 | $0 | $236 | 2.5GB | $5,664 | $5,184 | $480 |
紅米 2 出機月費 | $0 | $286 | 6GB | $6,864 | $6,384 | $480 |
紅米 2 出機月費 | $0 | $376 | 10GB | $9,024 | $8,544 | $480 |
小米 4i 出機月費 | $699 | $236 | 2.5GB | $6,363 | $5,184 | $1,179 |
小米 4i 出機月費 | $699 | $286 | 6GB | $7,563 | $6,384 | $1,179 |
小米 4i 出機月費 | $699 | $376 | 10GB | $9,723 | $8,544 | $1,179 |
(#) 以 24 個月合約計算,紅米 2 是零機價,小米 4i 在月費上再加 $699 機價價錢。
(&) 原 24 個月帶機上台 4G Pro 計劃
(@) 相差的價錢,就是本來帶機上台 (同樣數據量的 4G Pro 計劃 (24 個月) 總支出),跟用呢個上台出機兼上台的 4G Pro 計劃差價。亦即係你用呢個計劃,比起原帶機上台同等計劃,合約期內要多付的總價錢,亦即係實際的機價。
▲ 中國移動香港嘅額外數據收費,6GB 及 10GB 計劃為 $30 / GB,比起其他網絡商都要便宜。
資料由客戶提供