and! A1 配 3000mAh 大電池
and! A1 採用左 5 吋高清 IPS 輕觸式屏幕，配搭了 Qualcomm Snapdragon 615 四核心處理器，並內置 1GB RAM 以及 8GB ROM，可支持最多 32GB 外置記憶卡。A1 另一大嘅賣點係佢嘅電量，佢特設左 3000mAh 電池，待機時長可達 150 小時，續航能力不錯。而相機方面，A1 配備 800 萬像素主鏡頭 (F/2.0) 以及 200 萬像素 80 度超廣角前置鏡頭。A1 亦搭配了 Android 4.4 作業系統，有金和灰兩種顏色可以選擇。
and! N1 支援 VoLTE 功能
and! N1 同樣配備了 5 吋 IPS 屏幕以及 Qualcomm Snapdragon 615 四核心處理哭，內置左 2GB RAM 以及 16GB ROM。電量方面，N1 採用了 2800mAh 電池，比 A1 少左 200mAh。另外，N1 配備左 1300 萬像素後置鏡頭 (F/2.0) 以及 500 像素 84 度超廣角前置鏡頭，支援智能美顏及場景辨別嘅功能。更重要的是，N1 係可以支援 VoLTE 服務，令你通話嘅質素可以大大提高。N1 推出有金和白兩種顏色俾你選擇。
上台簽約買又得，唔上台買亦得
呢兩款手機現於全線 CMHK 門市有得賣，你只需要簽約使用 $98 或以上嘅 plan，並簽約 6 個月，就可以簽約優惠價 $1088 選購 N1 (原價 HK $1288) 或者以 $738 選購 A1 (原價 HK $888)。另外，唔上台就咁出機得唔得呀? 得! 如果你喺中國移動香港嘅網上商店度買機嘅話，更可享有 9 折淨機價折扣優惠，唔需要上台簽約。
唔知大家對呢兩部機有無興趣呢? 有興趣嘅話就記得快啲去門市或者網上商店購買，有關呢兩部機嘅更多資訊詳情，大家可以參閱 CMHK 網站。
and! A1 在文章刊登時，賣價為 $888，按這裏有詳細規格及最新賣價。
and! N1 在文章刊登時，賣價為 $1288，按這裏有詳細規格及最新賣價。