喜訊! 中國移動香港 CMHK 用戶 中港 4G 共享數據 繼續有得用

左定坤 (Cho Ting Kwan) 2015-12-11 20:22 | 中國移動香港

好多人用中國移動香港 CMHK 的原因在於可以中港數據共用，尤其是 4G Pro 月費計劃的用家，就算你番左大陸，都可以用到最多 5GB 的 4G LTE 網絡。不過，由上年七月一日開始，曾改為中港數據共用只能用 2G 同埋 3G，如果要在大陸用 4G LTE，就要額外收費，引起用家不滿。後來，中國移動香港向用家宣佈，中港共用 4G 優惠將會延期到 2016 年 1 月 10 日。如果你用緊 CMHK 嘅話，今日版主又為大家帶來一個喜訊!



中國移動香港即日 11/12 宣佈，凡於 2016 年 1 月 10 日或之前選用 4G Pro 服務計劃，就可以繼續以月費 HK $148 起的價錢，享用中港 4G 共用數據優惠，唔會話因為到左 2016 年 1 月 10 日就取消呢個優惠。亦即係話，如果你就係 2016 年 1 月 10 日果日或之前上台，你都可以繼續享用 4G 共用數據至轉用新計劃。至於 2016 年 1 月 11 日或之後上台嘅話，中港兩地數據共享的收費就會有所調整，至於調整到咩野價錢，就暫時未知道。不過，呢個消息對於現有客戶黎講，會唔會係一個好消息呢?

如欲了解有關中港 4G Pro 服務計劃詳情，請按這裡。