CMHK 月費計劃大升級！中港兩地 4G 共用變中港澳台四地 4G 共用
嚴格來講， CMHK 唔算係有新招搶客，只係將原有的數據 Plan 升級。原來的中港 4G 計劃，雖然係 1 月中正式同香港 4G Pro 計劃分拆，某程度上算係變相加價，但始終能夠做到中港 4G 數據共用選擇唔多，所以仍然有唔少人用。而 CMHK 剛剛推出的「飛常大中華 4G 服務計劃」，就係將原有的中港 4G 計劃 Upgrade，令 4G 數據用量可以在香港、中國、澳門及台灣四個地區共用。而且係價錢方面，都係維持不變。看起來吸引力當然好大啊！
▲ 雖然加入左台灣、澳門兩地數據共用，但係 CMHK 月費並沒有改動。
新加入台灣、澳門數據共用，舊客又能否受惠？
上文講到，今次 CMHK 其實係將原有的中港 4G 計劃加入新服務，唔少而家用緊 CMHK 的朋友，第一時間會諗，自己又會唔會受惠呢？版主就向 CMHK 查詢過，只要係 16 年 1 月 11 號 CMHK 分拆出中港 4G 計劃同 4G Pro 本地服務計劃之後，使用中港 4G 計劃的用戶，都可以用埋台灣、澳門數據共用，同樣係唔使加錢的。至於係 1 月 11 日月費計劃未分拆之前的客戶，就未能受惠了。數據 Plan 價錢大比拼，CMHK「飛常大中華」抵過中聯通「7地合 1｣？
最後再來同大家格價，其實 CMHK 將原有 4G Plan 升級，影響相當大。因為今年陸續有不少網絡商，推出香港跟不同地區的數據共用服務，好似 csl 早前的港澳連城，同埋中聯通的「7地合 1｣。當中 csl 的港澳連城服務「月費通行證」，因為需要每月加 $138 ，以價錢來講即時被「秒殺」，版主就唔多講了。而中聯通的「7地合 1｣數據 plan ，目前仍然未有一間網絡商做到 7 個地區數據共用，所以你可以話不能同 CMHK 直接比較。但從另一方面睇，中聯通個 Plan 在日本、澳洲同新加坡三地，每地區都要加 $38 先做到數據共用，而本來的月費計劃價錢都相當高昂。所以就性價比而言，看來都係 CMHK 更有優勢，以下就係比較圖表。唔知大家又覺得 CMHK 將原有中港 4G 變成中港澳台 4G 計劃，吸引力又大唔大呢？留言講講啦！
▲ 其實「飛常大中華」 4G Plan 同原本的 中港 4G Plan ，內容基本上一樣，只係多左數據包括台灣、澳門，呢點。
▲ 版主個人覺得，其實 CMHK 擺明係狙擊中聯通的。從中聯通 7 地合 1 數據 Plan 可以見到，跟 CMHK 相比，兩者計劃內容差不多，但係月費價錢方面⋯⋯中聯通 1GB 月費差唔多追得上 CMHK 6GB 月費，唔使計都分到高下啦？
更多有關香港及其他地區數據共用月費計劃的消息：
中國聯通 新中港 4G 月費震撼價！價錢比拼 CMHK 版主同你計
一個月費 7 個地區共用數據！中聯通再推新 Plan，全港最抵？
澳門任用 Wi-Fi、數據免漫遊費! csl. 推港澳數據共用 抵唔抵?
參考：CMHK 官網