買 4G 手機，要睇埋有無 Band 1 (2100) LTE
今日中國移動香港傳媒午餐會中，版主幫網友投訴 CMHK 係港鐵上不到網嘅問題。CMHK 董事兼行政總裁李帆風先生表示，他們一直只用了 5MHz 1800 頻段作港鐵 (不包括新線) 嘅 4G LTE 覆蓋。隨著客量提升，的確有唔夠用嘅情況。不過，他透露，佢地會係 10 月取得 2014 年 12 月投得 19.6MHz 2100 頻段，把大約一半頻寬，用來作 4G LTE 服務，首先會係解決港鐵容量問題。而 2100 頻段亦會由舊有的基建，由提供 3G WCDMA 改為提供 4G LTE，現時已處理這個更動，相信十月份，得到頻譜使用權當日，便可以提供服務。 李帆風亦說明，除了加入 2100 頻段，本來的 1800 頻段，亦會有現時 5Mhz 頻寬，提升至今年年底的 10MHz 頻寬。而十月份，亦會係繁忙港鐵轉車站，獨立建 2600 基站，而提供 2600 覆蓋是全新基站，可以支援多頻及 MIMO。而版主收到風，其實 2100 及 2600 港鐵 4G LTE 升級，每個網絡商都有份，可見年底，港鐵嘅 4G LTE 訊號與網速，每論你用緊邊個台，都會有所改善。
版主提提大家，2100 嘅 4G LTE 出現，都要你部手機配合，由今年起，你要一部用到全港 4G 網絡嘅手機，就要包括 4G FDD LTE 的 Band 1(2100)、Band 3(1800)、Band 7(2600) 、Band 8 (900) 及 TD-LTE Band 40 (2300)，以後買手機，除了睇用乜 CPU，記得要睇埋支援乜嘢 4G LTE 頻譜呀。
▲ 中國移動香港董事兼行政總裁李帆風先生，今天講了很多中國移動香港嘅發展，席間更透露，六月份會對外公佈更多他們網絡發展的消息。
中國移動香港，支持拍賣 900 / 1800 頻段
李帆風亦被問及中國移動香港怎樣回應 OFCA 發出 900 / 1800 頻段到期的咨詢。李帆風表示中國移動香港一如早兩年政府收回 2100 頻段的手法，支持混合模式，即部份頻譜自動續約，部份拿出來拍賣，以增加業內競爭。不過，他亦補充，為了能提供穩定服務，中國移動香港會建議 1800 頻段部份，自動續約要有 10MHz 頻寬，而 900 頻段部份因為本來指派給不同網絡商，他們亦希望能每間網絡商最好分配到至少 5MHz。李帆風亦反對政府要強行加入要提供至少 2G GSM 服務三年的條款，因為去到當時，再有無需要提供 2G GSM 服務亦係未知之素。
相關資料:
3G 2100MHz 頻譜拍賣完成！數碼通、中國移動香港成大贏家？900 / 1800 頻段快到期! 和記 3 香港反對政府拍賣頻譜