限定減價,最多五八折! CMHK 五日、七日無限漫遊數據優惠,抵唔抵?

左定坤 (Cho Ting Kwan) 2016-07-12 19:35 | 中國移動香港
又到暑假,不少網友都會約埋三五知己,組團去旅行。而去旅行,大家最需要的,當然是數據漫遊,呢個時候,大多數人都會走去鴨記,物色平價的上網卡。就在剛剛,中國移動香港 CMHK 宣佈,推出新加坡、韓國、泰國三個國家的「數據漫遊自由圈通行證」減價優惠。呢個優惠抵唔抵玩? 即刻睇過先!

CMHK(Facebook).jpg

CMHK 今日推出了新加坡、韓國及泰國的數據漫遊自由圈 5 日或 7 日通行證,由即日起至 2016 年 9 月 30 日,只要在出發前揀選所需國家的通行證,再撥打指定的申請短碼,就即可啟用數據漫遊,價錢為 $298 用 5 日(原價 $490),又或者 $398 用 7 日 (原價 $686)。而這個優惠只適用於 CMHK 現有客戶。

Screen Shot 2016-07-12 at 7.00.02 pm.png
▲ 有一點要提提大家,如果大家要去韓國,就要特別注意,南韓 KT 係唔支援短碼功能的,所以如果你打算申請 CMHK 呢個通行證,就最好喺離港前申請左先,或者去到南韓後,選用 SK 網絡申請。

$298 五日,$398 七日,計番上黎平均五十幾蚊一日,有得無限任用漫遊數據,睇落唔算貴。不過版主又咁睇,去旅行去玩,係咪真係有必要用到任用數據呢? 當然,你去旅行喺街都要串流睇片,咁就另作別論,如果你唔係有咁嘅必要的話,純粹普通碌下 Facebook / Whatsapp,我會覺得都係直接買上網卡,可能仲好。版主四月時去韓國,鴨記買左張 2.8GB 上網卡,一百蚊左右,都已經夠哂用五日。不過都係睇個人實際所需的使用量,網友又點睇呢?

最新新聞